പന്തീരങ്കാവ് UAPA കേസ്; അലന്റെയും താഹയുടെയും ജാമ്യം റദ്ദാക്കാൻ നാടകീയ നീക്കവുമായി എൻ.ഐ.എ

ജാമ്യത്തെ എതിർത്ത് ഹൈക്കോടതിയിൽ അപ്പീൽ നൽകിയെന്ന് ചൂണ്ടിക്കാട്ടിയാണ് ജാമ്യം റദ്ദാക്കണമെന്ന് എൻ.ഐ.എ ആവശ്യം അറിയിച്ചത്. പ്രതികൾക്ക് മാവോയിസ്റ്റ് ബന്ധമുള്ള തെളിവുകളുണ്ടെന്നും എൻ ഐ എ ആവർത്തിച്ചു.

കോടതി വ്യവസ്ഥ പ്രകാരം മാതാപിതാക്കളിൽ ഒരാളും ഒപ്പം ഒരു അടുത്ത ബന്ധുവുമാണ് ജാമ്യം നിന്നത്. ജാമ്യം നൽകരുതെന്ന് ആവശ്യപ്പെട്ട് കൊണ്ട് എൻഐഎ വീണ്ടും ഹൈക്കോടതിയെ സമീപിച്ചിരിക്കുന്നതിൽ പ്രതികരിക്കാനില്ലെന്നും  ജാമ്യം ലഭിച്ചതിൽ സന്തോഷമുണ്ടെന്നും അലന്റെയും താഹയുടേയും മാതാപിതാക്കൾ. പ്രതികരിച്ചു.