'ആചാരം തകർക്കാൻ ഒരു മുഖ്യമന്ത്രി വിചാരിച്ചാലും നടക്കില്ല'

മുഖ്യമന്ത്രിയുടെ വിമര്‍ശനങ്ങളെ ചൂണ്ടിക്കാട്ടിയായിരുന്നു അദ്ദേഹത്തിന്റെ പ്രസംഗം. മന്നത്തിന്റെ പാതയിലല്ല എന്‍എസ്എസ് എന്ന് പറയാന്‍ മുഖ്യമന്ത്രിക്ക് എന്താണവകാശം. ആചാരവും അനുഷ്ഠാനവും എന്താണെന്നറിയാത്തവരാണ് എന്‍എസ്എസിനെ നവോത്ഥാനം പഠിപ്പിക്കാന്‍ വരുന്നത്. ഒരു സര്‍ക്കാര്‍ കൈയിലുണ്ടെന്ന് കരുതി വിശ്വാസത്തെ തകര്‍ക്കാന്‍ ഏത് മുഖ്യമന്ത്രി വന്നാലും എന്‍എസ്എസ് തടയും. എന്‍എസ്എസിന് നേരെ ആരും കണ്ണുരുട്ടി വരേണ്ടെന്നും അദ്ദേഹം പറഞ്ഞു. എന്‍.എസ്.എസിന് രാഷ്ട്രീയമില്ല. അംഗങ്ങള്‍ക്ക്‌ രാഷ്ട്രീയമാകാം. സമദൂരത്തില്‍ എന്‍എസ്എസ് തുടരും. ശബരിമല വിഷയത്തില്‍ എന്‍എസ്എസ് ഇടപെട്ടത് നായന്മാര്‍ക്ക് വേണ്ടി മാത്രമല്ല. എല്ലാവര്‍ക്കും വേണ്ടിയാണെന്നുമുള്ള ശബരിമല വിഷയവുമായി ബന്ധപ്പെട്ട പ്രമേയവും സമ്മേളനത്തില്‍ അവതരിപ്പിച്ചു.