സംവരണത്തെക്കാൾ പ്രധാനം ആചാരസംരക്ഷണം; എൻ.എസ്.എസ് നിലപാട് ഇങ്ങനെ

ദേവസ്വം നിയമനങ്ങളിൽ, സാമ്പത്തികമായി പിന്നോക്കം നിൽക്കുന്ന മുന്നോക്കക്കാർക്ക് 10 ശതമാനം സംവരണം ഏർപ്പെടുത്തുമെന്ന സർക്കാർ പ്രഖ്യാപനം ഉണ്ടായിട്ട് ഒരു വർഷം തികയുന്നു. അത് നടപ്പാക്കുന്നതിന് പ്രത്യേകം ചട്ടം ഉണ്ടാക്കിയെന്നാണ് സർക്കാർ ഇപ്പോൾ പറയുന്നത്. 32 ശതമാനം സംവരണം കിട്ടിക്കൊണ്ടിരിക്കുന്ന പട്ടികജാതി/ പട്ടികവർഗ, പിന്നോക്കവിഭാഗങ്ങൾക്ക് സംവരണം 40 ശതമാനമായി വർധിപ്പിച്ചതായും അറിയുന്നു. പെടുന്നനെ ഇങ്ങനെയൊരു പ്രഖ്യാപനം ഉണ്ടായതിന്റെ പിന്നിലെ ലക്ഷ്യം ആർക്കും മനസിലാക്കാവുന്നതേയുള്ളൂ. ദേവസ്വം നിയമനങ്ങളിലെ സംവരണം നടപ്പാകണെങ്കിൽ പ്രത്യേക ചട്ടം ഉണ്ടായെങ്കിൽ തന്നെ, ഇനിയും എത്രയോ കടമ്പകൾ കടക്കേണ്ടിയുമിരിക്കുന്നു.