മാങ്കൂട്ടത്തിൽ കേസിലെ ആദ്യപരാതിക്കാരിയുടെ ചിത്രം വീണ്ടും സമൂഹമാധ്യമങ്ങളിൽ; ഒപ്പം അധിക്ഷേപ പരാമർശവും
- Published by:meera_57
- news18-malayalam
Last Updated:
ഫേസ്ബുക്ക് പേജിലൂടെയാണ് പരാതിക്കാരിക്കെതിരായ അധിക്ഷേപ പോസ്റ്റ് പ്രചരിപ്പിക്കുന്നത്. കർശന നടപടി ഉണ്ടാകുമെന്ന് സൈബർ ക്രൈം പോലീസ്
രാഹുൽ മാങ്കൂട്ടത്തിലിനെതിരെ (Rahul Mamkootathil) ആദ്യ ബലാത്സംഗ പരാതി നൽകിയ യുവതിയുടെ ചിത്രം വീണ്ടും സമൂഹ മാധ്യമങ്ങളിൽ പ്രചരിക്കുന്നു. കഴിഞ്ഞ ദിവസങ്ങളിൽ പോലീസ് നടപടിയുണ്ടായിട്ടും ചിത്രം വീണ്ടും പ്രചരിക്കുന്ന സ്ഥിതിവിശേഷം വന്നുചേർന്നിരിക്കുകയാണ്. അധിക്ഷേപ പരാമർശത്തോടെയാണ് ചിത്രം പ്രചരിക്കുന്നത്. അരിഷ്ടോ ഷാജി എന്ന ഫേസ്ബുക്ക് പേജിലൂടെയാണ് പരാതിക്കാരിക്കെതിരായ അധിക്ഷേപ പോസ്റ്റ് പ്രചരിപ്പിക്കുന്നത്. കർശന നടപടി ഉണ്ടാകുമെന്ന് സൈബർ ക്രൈം പോലീസ് മുന്നറിയിപ്പു നൽകി.
യുവതിയുടെ ഐഡന്റിറ്റി വെളിപ്പെടുത്തിയതിന് എറണാകുളം റൂറൽ സൈബർ ക്രൈം പോലീസ് മൂന്നു ദിവസങ്ങൾക്ക് മുൻപ് രണ്ട് പേർക്കെതിരെ കേസെടുത്തിരുന്നു.
യുവതിയുടെ ഫോട്ടോ സോഷ്യൽ മീഡിയയിൽ പോസ്റ്റ് ചെയ്തതിന് റസാക് പി.എ., രാജു വിദ്യാകുമാർ എന്നിവർക്കെതിരെ പോലീസ് കേസെടുത്തു. നവംബർ 29 മുതൽ ചിത്രം പ്രചരിപ്പിച്ചതിന് റസാക്കിനെതിരെയും നവംബർ 30 മുതൽ പ്രചരിപ്പിച്ചതിന് വിദ്യാകുമാറിനെതിരെയും കേസെടുത്തു. നവംബർ 28 ന് വലിയമല പോലീസ് മാങ്കൂട്ടത്തിലിനെതിരെ കേസെടുത്തു.
ലൈംഗിക കുറ്റകൃത്യങ്ങൾക്ക് ഇരയായവരുടെ ഐഡന്റിറ്റി അച്ചടിക്കുകയോ പ്രസിദ്ധീകരിക്കുകയോ ചെയ്യുന്നത് കുറ്റകരമാക്കുന്ന ഭാരതീയ ന്യായ സംഹിതയിലെ സെക്ഷൻ 72(1) പ്രകാരമാണ് റസാക്കിനും വിദ്യാകുമാറിനുമെതിരെ കേസെടുത്തിരിക്കുന്നത്. കുറ്റം തെളിയിക്കപ്പെട്ടാൽ രണ്ട് വർഷം വരെ തടവും പിഴയും ലഭിക്കാവുന്ന കുറ്റമാണിത്.
advertisement
രാഹുൽ മാങ്കൂട്ടത്തിൽ ലൈംഗികാതിക്രമ കേസിൽ പരാതിക്കാരിയെ അപകീർത്തിപ്പെടുത്തുകയും അവരുടെ ഫോട്ടോ ഓൺലൈനിൽ പ്രചരിപ്പിക്കുകയും ചെയ്തതിന് കേരള പോലീസ് വ്യാപകമായ നടപടികൾ ആരംഭിക്കുകയും കുറഞ്ഞത് 32 കേസുകൾ രജിസ്റ്റർ ചെയ്യുകയും ചെയ്തിട്ടുണ്ട്.
പോലീസിന്റെ സൈബർ ഓപ്പറേഷൻസ് വിഭാഗം ഓൺലൈൻ പ്ലാറ്റ്ഫോമുകൾ സജീവമായി നിരീക്ഷിക്കുകയും യുവതിയുടെ ഐഡന്റിറ്റി വെളിപ്പെടുത്തുകയോ അപകീർത്തികരമായ ഉള്ളടക്കം പ്രസിദ്ധീകരിക്കുകയോ ചെയ്തുകൊണ്ട് സ്വകാര്യതാ നിയമങ്ങൾ ലംഘിക്കുന്നതായി കണ്ടെത്തിയാൽ കേസുകൾ രജിസ്റ്റർ ചെയ്യുകയും ചെയ്യുന്നു. രാഹുൽ മാങ്കൂട്ടത്തിലിനെതിരെ പരാതി നൽകിയതിന് ശേഷം വ്യാപകമായ ഓൺലൈൻ അധിക്ഷേപം നേരിടുന്നതായി യുവതിയുടെ ഔദ്യോഗിക പരാതിയുടെ അടിസ്ഥാനത്തിലാണ് നടപടികൾ സ്വീകരിക്കുന്നത്.
advertisement
Summary: The picture of the woman who filed the first rape complaint against Rahul Mamkootathil is circulating on social media again. Despite the police action taken in the past few days, the situation has come to a head that the picture is circulating again. The picture is being circulated with abusive remarks. The abusive post against the complainant is being circulated through the Facebook page Arishto Shaji. The Cyber Crime Police has warned that strict action will be taken
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
December 06, 2025 10:36 AM IST
മലയാളം വാർത്തകൾ/ വാർത്ത/Kerala/
മാങ്കൂട്ടത്തിൽ കേസിലെ ആദ്യപരാതിക്കാരിയുടെ ചിത്രം വീണ്ടും സമൂഹമാധ്യമങ്ങളിൽ; ഒപ്പം അധിക്ഷേപ പരാമർശവും
