'ചെയർമാൻ തെരഞ്ഞെടുപ്പിനെതിരെ കോടതിയിൽ പോയത് ദുരൂഹം': പിജെ ജോസഫ്
Last Updated:
കോടതിയെ സമീപിച്ച കൊല്ലം ജില്ലാ ജന.സെക്രട്ടറിക്ക് പാർട്ടി അംഗത്വം നഷ്ടപ്പെടുമെന്ന് പിജെ ജോസഫ്
ഇടുക്കി: കേരള കോൺഗ്രസിലെ ചെയർമാൻ തിരഞ്ഞെടുപ്പിനെതിരെ ഒരു വിഭാഗം കോടതിയിൽ പോയത് ദുരൂഹമെന്ന് പാര്‍ട്ടി വര്‍ക്കിംഗ് ചെയര്‍മാന്‍ പി.ജെ .ജോസഫ്. കോടതിയെ സമീപിച്ച കൊല്ലം ജില്ലാ ജന.സെക്രട്ടറിക്ക് പാർട്ടി അംഗത്വം നഷ്ടപ്പെടുമെന്നും പിജെ ജോസഫ് വ്യക്തമാക്കി.
ഒരു വിഭാഗം കോടതിയിൽ പോയത് ദുരൂഹമാണ്. തെരഞ്ഞെടുപ്പിനെ ചിലർ ഭയക്കുന്നു. ഇരട്ടപ്പദവി വഹിക്കില്ല. ഏതെങ്കിലും ഒരു സ്ഥാനമേ ഒരാൾക്കുണ്ടാകൂ. പാർലമെന്റി പാർട്ടി ലീഡറെ നിയമസഭാ സമ്മേളനത്തിന് മുൻപ് തെരഞ്ഞെടുക്കും. ചെയർമാൻ തിരഞ്ഞെടുപ്പുമായി ബന്ധപ്പെട്ട് ചർച്ചകൾ നടന്നിട്ടില്ല. തർക്കങ്ങൾ രമ്യമായി പരിഹരിക്കുമെന്നും ജോസഫ് തൊടുപുഴയിൽ പറഞ്ഞു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 16, 2019 6:32 PM IST
