സവാരിക്കിടെ സൈക്കിള് നിയന്ത്രണം വിട്ട് നിര്ത്തിയിട്ടിരുന്ന ലോറിയിൽ ഇടിച്ച് പൊലീസുകാരന് മരിച്ചു
- Published by:Jayesh Krishnan
- news18-malayalam
Last Updated:
സൈക്കിള് നിര്ത്തിയിട്ടിരുന്ന ലോറിയുടെ പിന്ഭാഗത്തേക്ക് ഇടിച്ചു കയറുകയായിരുന്നു
തിരുവനന്തപുരം: നിര്ത്തിയിട്ടിരുന്ന ലോറിയുമായി സൈക്കിള് കൂട്ടിയിടിച്ച് ഗുരുതരപരിക്കേറ്റ് ചികിത്സയിലായിരുന്ന പോലീസുദ്യോഗസ്ഥൻ മരിച്ചു. കല്ലറ മരുതമണ് ഹിരണ് വിലാസത്തില് ഹിരണ്രാജ് (47) ആണ് മരിച്ചത്. തിരുവന്തപുരം വികാസ് ഭവനില് റൂറല് എസ് പി ഓഫീസിലെ ഉദ്യോഗസ്ഥനാണ്.
ബുധനാഴ്ചയാണ് അപകടം നടന്നത്.കോവളം ഭാഗത്ത് സൈക്കിളിങ് പരിശീലനത്തിലേര്പ്പെട്ടിരിക്കേ നിയന്ത്രണം വിട്ട സൈക്കിള് നിര്ത്തിയിട്ടിരുന്ന ലോറിയുടെ പിന്ഭാഗത്തേക്ക് ഇടിച്ചു കയറുകയായിരുന്നു. ഉടന് തിരുവന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ഇന്ന് പുലര്ച്ചെ മരണം സംഭവിക്കുകയായിരുന്നു.
കേരളത്തിലെ അറിയപ്പെടുന്ന സൈക്കിളിസ്റ്റായിരുന്നു ഹിരണ്രാജ്. തിരുവന്തപുരം മെഡിക്കല് കോളേജില് പോസ്റ്റ്മാര്ട്ടം നടപടികൾ പൂർത്തിയാക്കിയ ശേഷം മൃതദേഹം വീട്ടിലേക്ക് കൊണ്ടുപോയി. തുടർന്ന് വൈകിട്ട് അഞ്ച് മണിയോടെ ഔദ്യോഗിക ബഹുമതികളോടെ കല്ലറയിലെ കുടുംബ വീട്ടുവളപ്പില് സംസ്ക്കരിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Jun 11, 2023 8:39 PM IST
മലയാളം വാർത്തകൾ/ വാർത്ത/Kerala/
സവാരിക്കിടെ സൈക്കിള് നിയന്ത്രണം വിട്ട് നിര്ത്തിയിട്ടിരുന്ന ലോറിയിൽ ഇടിച്ച് പൊലീസുകാരന് മരിച്ചു
