കോഴിക്കോട്: പൊതുപണിമുടക്ക്(Nationwide Strike) ദിവസം റെയില്വേ സ്റ്റേഷനിലേക്ക് യാത്രക്കാരുമായി പോയ ഓട്ടോറിക്ഷയുടെ(Auto) കാറ്റ് അഴിച്ചുവിട്ട് സമരക്കാര്. കോഴിക്കോട് നഗരത്തിലാണ് പൊലീസ് ഉദ്യോഗസ്ഥര് നോക്കിനില്ക്കെ സമരക്കാര് ഓട്ടോറിക്ഷയുടെ കാറ്റ് അഴിച്ചുവിട്ടത്. ട്രെയിനില് പോകാനുള്ളവരാണ് ഓട്ടോയിലുള്ളതെന്നു പൊലീസുകാര് സമരക്കാരോട് പറഞ്ഞെങ്കിലും കാറ്റ് അഴിച്ചുവിടുകയായിരുന്നു.
ഓട്ടോയിലുണ്ടായിരുന്ന യാത്രക്കാരനെ സമരക്കാര് റോഡില് ഇറക്കിവിട്ടു. തുടര്ന്നുണ്ടായ തര്ക്കത്തിനിടെയാണ് വണ്ടി കത്തിച്ചുകളയാമെന്നു സമരക്കാരിലൊരാള് പറയുകയും ചെയ്തു. രണ്ടു ദിവസത്തെ പണിമുടക്ക് കേരളത്തില് പൂര്ണമാണ്.
മോട്ടോര് വാഹന തൊഴിലാളികള്, ബാങ്ക്, റെയില്വേ, വൈദ്യുതി തുടങ്ങിയ മേഖലകളിലെ തൊഴിലാളികള് തുടങ്ങിയവര് പണിമുടക്കില് പങ്കെടുക്കുന്നു. സര്ക്കാര് ജീവനക്കാരും പണിമുടക്കില് അണിചേര്ന്നതോടെ സര്ക്കാര് ഓഫീസുകളുടെ പ്രവര്ത്തനവും താളംതെറ്റി.
ബാങ്ക് തൊഴിലാളി യൂണിയനുകളും പണിമുടക്കില് പങ്കെടുന്നതിനാല് ബാങ്കുകളുടെ പ്രവര്ത്തനവും തടസ്സപ്പെട്ടു. സഹകരണ മേഖലയിലെ ജീവനക്കാരും പണിമുടക്കില് പങ്കെടുക്കുന്നുണ്ട്. ഐഎന്ടിയുസി, എഐടിയുസി, എച്ച്എംഎസ്, സിഐടിയു, എഐയുടിയുസി, എസ്ഇഡബ്ല്യുഎ, എഐസിസിടിയു, എല്പിഎഫ്, യുടിയുസി തുടങ്ങിയ സംഘടനകള് സംയുക്തമായിട്ടാണ് പണിമുടക്കിന് ആഹ്വാനം ചെയ്തിരിക്കുന്നത്.
Published by:Jayesh Krishnan
First published:
ഏറ്റവും വിശ്വാസ്യതയുള്ള വാർത്തകള്, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.