ശബരിമല: നിരോധനാജ്ഞ ഇന്ന് അവസാനിക്കും

ഇതിനിടെ, ശബരിമലയിലെ നിരോധനാജ്ഞ കഴിഞ്ഞദിവസം ഹൈക്കോടതി അംഗീകരിച്ചിരുന്നു. ശബരിമലയിൽ പ്രഖ്യാപിച്ചിരിക്കുന്ന നിരോധനാജ്ഞ ഭക്തർക്ക് തടസമല്ലെന്നാണ് ഹൈക്കോടതി നിരീക്ഷിച്ചത്. പ്രദേശത്ത് ക്രമസമാധാനം നിലനിർത്താൻ നിരോധനാജ്ഞ ആവശ്യമാണെന്നും സുഗമമമായ തീർത്ഥാടനം ശബരിമലയിൽ സാധ്യമാകുന്നുണ്ടെന്നുമാണ് ഹൈക്കോടതി നിരീക്ഷിച്ചത്.

ശബരിമലയിലെ നിരോധനാജ്ഞ നീക്കണമെന്ന ഒരു കൂട്ടം ഹർജികൾ പരിഗണിക്കവെയാണ് കോടതി ഇക്കാര്യം പറഞ്ഞത്. ശബരിമലയിലെ ക്രമസമാധാന പാലനത്തിന് നിരോധനാജ്ഞ തുടരേണ്ടതുണ്ടെന്നും സർക്കാർ ഹൈക്കോടതിയിൽ സത്യവാങ്മൂലം നൽകിയിരുന്നു.