ലോകകപ്പിൽ തൻ്റെ ​പ്രകടനത്തിന് പിന്നാലെ ജീവനക്കാർക്ക് സമ്മാനം നൽകിയ കടയുടമയെ കണ്ട് സഞ്ജു സാംസൺ

നിഥിന്റെയൊപ്പം ഭക്ഷണം കഴിക്കുകയും ക്രിക്കറ്റ് കളിക്കുകയും ചെയ്തെന്ന് നിഥിൻ പ്രതികരിച്ചു. താനൊന്നും ആ​ഗ്രഹിച്ച് ചെയ്തതല്ല, ഹൃദയം കൊണ്ട് ചെയ്ത കാര്യമാണിത്. അദ്ദേഹം കാണാൻ എത്തിയതിൽ വളരെയധികം സന്തോഷമുണ്ടെന്നും നിഥിൻ പറഞ്ഞു.

ലോകകപ്പ് മത്സരം നടക്കുന്ന രാത്രിയിൽ സഞ്ജുവിന്റെ ​ഗംഭീരപ്രകടനത്തിന് പിന്നാലെ ​ജീവനക്കാരുടെ വാട്സ്ആപ്പ് ​ഗ്രൂപ്പിലൂടെയാണ് സമ്മാനം നൽകുന്ന കാര്യം നിഥിൻ അറിയിച്ചിരുന്നു. തൊട്ടടുത്ത ദിവസം തന്റെ ടെക്സ്റ്റൈൽ ഷോപ്പിലെ ഓരോരുത്തർക്കും 3,500 രൂപ വീതം നൽകുകയും ചെയ്തു. 3,500 രൂപ വീതം 63 പേർക്കാണ് നൽകിയത്. ഇതിന്റെ വീഡിയോ സോഷ്യൽമീഡിയയിൽ‌ വലിയ തോതിൽ പ്രചരിച്ചിരുന്നു.

ഒരിക്കലും അദ്ദേഹം വന്ന് കാണുമെന്ന് വിചാരിച്ചിരുന്നില്ല. അദ്ദേഹം ഇന്ത്യൻ ടീമിൽ വരണമെന്ന് ഒരുപാട് ആ​ഗ്രഹിച്ചിരുന്നെന്നും പറഞ്ഞറിയിക്കാൻ കഴിയാത്ത സന്തോഷമുണ്ടെന്നും നിഥിൻ പ്രതികരിച്ചു.