ശബരിമല പുനഃപരിശോധന ഹർജികൾ പരിഗണിക്കുന്നത് വൈകിയേക്കും
Last Updated:
ന്യൂഡൽഹി: ശബരിമല സ്ത്രീ പ്രവേശനത്തിനുള്ള നിയന്ത്രണങ്ങൾ റദ്ദാക്കിയ വിധിക്ക് എതിരെ നൽകുന്ന റിവ്യൂ ഹർജികൾ സുപ്രീം കോടതി പരിഗണിക്കുന്നത് വൈകിയേക്കും. പൂജ അവധിക്ക് ശേഷമേ ഹർജികൾ പരിഗണിക്കാൻ ഇടയുള്ളൂ. 12-ാം തീയതി കോടതി പൂജ അവധിക്ക് ആയി അടയ്ക്കും. 22 ന് മാത്രമേ കോടതി വീണ്ടും തുറക്കുകയുള്ളു.
നേരത്തെ കേസ് പരിഗണിച്ച ഭരണഘടന ബെഞ്ചിലെ ചില ജഡ്ജിമാർ ഈ കാലയളവിൽ ഡൽഹിയിൽ ഉണ്ടായിരിക്കില്ലെന്ന് സൂചന. വിധി പുറപ്പടിവിച്ച് ഒരു മാസം വരെ റിവ്യൂ പെറ്റീഷൻ നല്കാൻ അവസരം ഉണ്ട്. ആ കാലയളവിന് ശേഷമേ സാധാരണ റിവ്യൂ പെറ്റീഷൻ ജഡ്ജിമാരുടെ പരിഗണനയ്ക്ക് ആയി ലിസ്റ്റ് ചെയ്യുകയുള്ളൂ.
advertisement
അടിയന്തിര സാഹചര്യം ആരെങ്കിലും ബോധ്യപ്പെടുത്തിയാൽ ചീഫ് ജസ്റ്റിസിന് നേരത്തെ വേണമെങ്കിലും ലിസ്റ്റ് ചെയ്യാൻ അധികാരം ഉണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
October 07, 2018 10:11 PM IST
