'ബെന്നി ബെഹനാന്‍ സമുദായത്തെ ഒറ്റി, കേരളത്തില്‍ കോ-ലീ-ബി സഖ്യം'; വിമര്‍ശിച്ച് കാന്തപുരം മുഖപത്രം

കോഴിക്കോട്: കെ.ടി ജലീലിനെ പിന്തുണച്ചും യു.ഡി.എഫ് പ്രക്ഷോഭത്തെ ആക്രമിച്ചും സുന്നി എ.പി വിഭാഗം മുഖപത്രമായ സിറാജ്. സംഘടനയുടെ വക്താവും കോളമിസ്റ്റുമായ ഒ.എം തരുവണയുടെയതാണ് ലേഖനം. മതഗ്രന്ഥം കൊണ്ടുവന്നതിന്റെ പേരില്‍ മന്ത്രി കെ ടി ജലീലിനെതിരെയുള്ള പടപ്പുറപ്പാട് ആപത്കരമാണെന്നും ജലീല്‍ വിവാദം സമുദയത്തിനെതിരായി മാറിയിരിക്കയാണെന്നും ലേഖനത്തില്‍ വ്യക്തമാക്കുന്നു. രാഷ്ട്രീയ ലാഭത്തിന് വേണ്ടി യു.ഡി.എഫ് തീ കൊണ്ട് കളിക്കുകയാണ്. യു.എ.ഇ കോണ്‍സുലേറ്റ് വഴി ചാരിറ്റി സാധനങ്ങള്‍ വരുന്നത് ഇതാദ്യമല്ല.