ക്രിക്കറ്റ് പന്തെടുക്കാൻ ശ്രമിക്കുന്നതിനിടെ പാറമടയിൽ വീണ വിദ്യാർത്ഥി മുങ്ങി മരിച്ചു

സ്വകാര്യ വ്യക്തിയുടെ പറമ്പിലാണ് അഭിനവും കൂട്ടുക്കാരും ക്രിക്കറ്റ് കളിക്കാറുളളത്. ഇതിന്റെ സമീപമായി പ്രവർത്തന രഹിതമായ വെള്ളം നിറഞ്ഞ പാറമട സ്ഥിതി ചെയ്യുന്നത്. പന്ത് പാറമട ഭാഗത്തേക്ക് തെറിച്ചു പോയതോടെ ഒപ്പം പാഞ്ഞ അഭിനവ് പന്ത് പിടിക്കാൻ ശ്രമിക്കുന്നതിനിടെ നിയന്ത്രണം തെറ്റി വീഴുകയായിരുന്നു. പന്തെടുക്കാൻ പോയ അഭിനവിനെ ഏറെ കഴിഞ്ഞിട്ടും കാണാതായതോടെ കൂട്ടുകാർ പറഞ്ഞ പ്രകാരം നാട്ടുകാർ നടത്തിയ തെരച്ചിലിനൊടുവിലാണ് പാറമടയിൽ വീണതായി സംശയം ഉയർന്നത്.

13 അടി താഴ്ചയോളമുള്ള പാറമടയിലാണ് വീണത്. അങ്കമാലി അഗ്നിരക്ഷാ സേനയുടെ സഹായത്തോടെയാണ് മൃതദേഹം കണ്ടെടുത്തത്. മൃതദേഹം അങ്കമാലി താലൂക്കാശുപത്രിയിലേക്ക് മാറ്റി.