മുഖ്യമന്ത്രിയുടേയും കുടുംബത്തിന്റേയും പങ്ക് പുറത്ത് വരും;അടുത്ത മണിക്കൂറില് ഞാനും പ്രതിയായേക്കുമെന്ന് സ്വപ്നാ സുരേഷ്
- Published by:Arun krishna
- news18-malayalam
Last Updated:
'ശിവശങ്കറിനെ അറസ്റ്റ് ചെയ്തതില് ദുഃഖമുണ്ട്. എന്നാല് ഇതുകൊണ്ട് അവസാനിക്കുന്നില്ല. ഇതില് ഉള്പ്പെട്ട ഓരോരുത്തരേയും നിയമത്തിന് മുന്നില് കൊണ്ടുവരിക എന്നതാണ് എന്റെ ലക്ഷ്യം.
ലൈഫ് മിഷന് കേസില് മുഖ്യമന്ത്രിക്കും കുടുംബത്തിനും പങ്കുണ്ടെന്ന് ആവര്ത്തിച്ച് സ്വര്ണക്കടത്ത് കേസ് പ്രതി സ്വപ്നാ സുരേഷ്.വമ്പന് സ്രാവുകള് ഇപ്പോഴും പുറത്ത് തന്നെയാണ്. മുഖ്യമന്ത്രി പിണറായി വിജയനും കുടുംബത്തിനും ഇടപാടില് പ്രധാന പങ്കുണ്ടെന്ന് പറഞ്ഞ സ്വപ്ന കേസില് താന് കൂടി പ്രതിയായാലേ പൂര്ണ്ണത വരൂവെന്നും വ്യക്തമാക്കി. മുഖ്യമന്ത്രി അഡീഷണല് പ്രൈവറ്റ് സെക്രട്ടറി സി.എന്.രവീന്ദ്രനെ ചോദ്യം ചെയ്താല് എല്ലാ വമ്പന്മാരുടേയും പങ്ക് പുറത്താകുമെന്നും സ്വപ്ന മാധ്യമങ്ങളോട് പറഞ്ഞു.
‘ശിവശങ്കറിനെ അറസ്റ്റ് ചെയ്തതില് ദുഃഖമുണ്ട്. എന്നാല് ഇതുകൊണ്ട് അവസാനിക്കുന്നില്ല. ഇതില് ഉള്പ്പെട്ട ഓരോരുത്തരേയും നിയമത്തിന് മുന്നില് കൊണ്ടുവരിക എന്നതാണ് എന്റെ ലക്ഷ്യം. കേരളം മൊത്തം വിറ്റുതുലയ്ക്കാന് വേണ്ടി ഇറങ്ങി തിരിച്ച മുഖ്യമന്ത്രി, അദ്ദേഹത്തിന്റെ ഭാര്യ, മകള് തുടങ്ങി എല്ലാവും പുറത്ത് വരണം. കേസില് കടലിനടയിലെ എല്ലാ വമ്പന് സ്രാവുകളേയും പുറത്ത് കൊണ്ടുവരാന് താന് ഇറങ്ങി തിരിച്ചിരിക്കുകയാണ്. ജയിലില് കിടക്കേണ്ടി വന്നാലും ഇതില് നിന്ന് പിന്മാറില്ല.
advertisement
ഈ ആളുകള്ക്ക് വേണ്ടിയാണ് ഞാനടക്കമുള്ളവര് ഉപകരണമായത്. എല്ലാ തെളിവുകളും അന്വേഷണ ഏജന്സിക്ക് കൈമാറിയിട്ടുണ്ട്. അതിന്റെ അടിസ്ഥാനത്തിലാണ് ശിവശങ്കറിന്റെ അറസ്റ്റു ചെയ്തതെന്നും സ്വപ്ന പറഞ്ഞു.
മുഖ്യമന്ത്രിയുടെ പ്രൈവറ്റ് സെക്രട്ടറിയായ സി.എന് രവീന്ദ്രനെ ചോദ്യം ചെയ്താല് കൂടുതല് വിവരങ്ങള് പുറത്തുവരും. മുഖ്യമന്ത്രിയുടെ ഭാര്യ കമലയുടേയും മകള് വീണയുടേയും യുഎഇയില് ഇരുന്ന് പ്രവര്ത്തിക്കുന്ന മകന്റെ പങ്കും പുറത്ത് വരും. ബിരിയാണി ചെമ്പ്, മുഖ്യമന്ത്രി ബാഗേജ്, ഷാര്ജ ഭരണാധികാരിയുടെ സന്ദര്ശനം എല്ലാം പുറത്തുവരും.
advertisement
യുഎഇയിലെ സാമ്പത്തിക ഇടപാടുകള് നടത്തുന്നത് മുഖ്യമന്ത്രിയുടെ മകനാണ്. നിങ്ങള് കാത്തിരുന്ന് കാണൂ. വാങ്ങിക്കുന്ന ശമ്പളത്തിനായി അനുസരിക്കുക മാത്രമാണ് ഞാന് ചെയ്തത്. അതല്ലാതെ മറ്റൊന്നും ചെയ്തിട്ടില്ല. ശിവശങ്കറുമായി ഒരു പ്രത്യേക ബന്ധമുള്ളത് കൊണ്ട് എതിര്ക്കാന് പറ്റിയില്ലെന്നും സ്വപ്ന പറഞ്ഞു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
Feb 15, 2023 3:08 PM IST
മലയാളം വാർത്തകൾ/ വാർത്ത/Kerala/
മുഖ്യമന്ത്രിയുടേയും കുടുംബത്തിന്റേയും പങ്ക് പുറത്ത് വരും;അടുത്ത മണിക്കൂറില് ഞാനും പ്രതിയായേക്കുമെന്ന് സ്വപ്നാ സുരേഷ്
