ആരോഗ്യബോധത്തിനായി കുട്ടികളുടെ കൈചേർപ്പ്: മടവൂരിലെ ഹെൽത്ത് ഹബ്ബ്

ദേശീയ ഡോക്ടർ ദിനത്തിൽ ഹെൽത്ത് ഹബ്ബ് ഒരുക്കി മടവൂർ ഗവ. എൽ.പി.എസ്. പല രൂപങ്ങളിലുള്ള കട്ടൗട്ടുകളിൽ ആരോഗ്യം, ആഹാരം, ശുചിത്വം, വ്യായാമം എന്നിങ്ങനെ വിവിധ മേഖലകളുമായി ബന്ധപ്പെട്ട സന്ദേശവാക്യങ്ങൾ ഹെൽത്ത് ഹബ്ബിൽ തൂക്കിയിരുന്നു. സ്റ്റിക്കി നോട്ടിൽ രേഖപ്പെടുത്തിയ ആരോഗ്യ സന്ദേശങ്ങളും ആരോഗ്യച്ചൊല്ലുകളും 'സ്റ്റിക്ക് ഓൺ ടു ഹെൽത്ത്' എന്ന തലക്കെട്ടിൽ സ്ഥാപിച്ച ബോർഡിൽ കുട്ടികൾ ഒട്ടിച്ചു. മടവൂർ ആയുർവ്വേദ മെഡിക്കൽ ഓഫീസർ ഡോക്ടർ ശ്രുതി, സ്റ്റിക്കി നോട്ടിൽ ആരോഗ്യ ദിന സന്ദേശം രേഖപ്പെടുത്തിയാണ് ഹെൽത്ത് ഹബ്ബ് ഉദ്ഘാടനം ചെയ്തത്. ശേഷം കുട്ടികളോട് സംവദിച്ചു