ലഹരിക്ക് പകരം കായിക ലഹരി: ഒരു ഗ്രാമത്തിലെ യുവതലമുറയെ കൈപിടിച്ച് നടത്തിയ കണ്ടല സ്റ്റേഡിയം

ആവേശങ്ങൾ ഒഴിയാത്ത ആരവങ്ങൾ ഒഴിയാത്ത കണ്ടല സ്റ്റേഡിയം. തിരുവനന്തപുരം ജില്ലയിലെ മാറനല്ലൂർ തൂങ്ങാം പാറയിലുള്ള കണ്ടല സ്റ്റേഡിയം ഇന്ന് കുട്ടികളുടെയും മുതിർന്നവരുടെയും യുവാക്കളുടെയും ഒക്കെ പ്രിയപ്പെട്ട ഇടമാണ്. ഡ്രൈവിംഗ് പരിശീലനത്തിൻ്റെയും ഫുട്ബോൾ കളിയുടെയും ക്രിക്കറ്റിൻ്റെയും വോളിബോളിൻ്റെയും സായാഹ്ന സവാരിയുടെയും ഒക്കെ ഇടമായി മാറുന്ന ഒരു ഗ്രാമത്തിൻ്റെ സജീവത നിലനിർത്തുന്ന കണ്ടല സ്റ്റേഡിയം. ഒരുകാലത്ത് ഈ ഒരു മുഖമേ ആയിരുന്നില്ല ഈ സ്റ്റേഡിയത്തിന്.