ജോസഫ് കറിവേപ്പില; തോമസ് ചാഴിക്കാടൻ കോട്ടയത്ത് രണ്ടിലയിൽ വോട്ടു തേടും

കോട്ടയം: തോമസ് ചാഴിക്കാടൻ ലോക്സഭാ തെരഞ്ഞെടുപ്പ് കോട്ടയത്ത് യുഡിഎഫ് സ്ഥാനാർത്ഥിയായി മത്സരിക്കും. കേരള കോൺഗ്രസ് എം ചെയർമാൻ കെ.എം മാണി പുറത്തിറക്കിയ പത്രകുറിപ്പിലാണ് ഇക്കാര്യം പറയുന്നത്. മുമ്പ് രണ്ടുതവണ എംഎൽഎ ആയിട്ടുള്ള തോമസ് ചാഴിക്കാടൻ നിലവിൽ കേരള കോൺഗ്രസ് എം ഉന്നതാധികാരസമിതി അംഗമാണ്. ദിവസങ്ങൾ നീണ്ട അനിശ്ചിതത്വങ്ങൾക്കൊടുവിലാണ് കോട്ടയം മണ്ഡലത്തിലെ സ്ഥാനാർത്ഥിയെ കേരള കോൺഗ്രസ് നിശ്ചയിച്ചത്. സ്ഥാനാർത്ഥിയാകണമെന്ന ആഗ്രഹം പാർട്ടി വർക്കിങ് ചെയർമാൻ പി.ജെ ജോസഫ് പ്രകടിപ്പിച്ചിരുന്നു.