'പിസി ജോര്‍ജ്ജ് അകത്തോ?'; തെരഞ്ഞെടുപ്പ് ഒരുക്കങ്ങള്‍ ചര്‍ച്ച ചെയ്യാന്‍ യുഡിഎഫ് യോഗം ഇന്ന്

ലോക്‌സഭ തെരഞ്ഞെടുപ്പ് ഒരുക്കങ്ങളുടെ ആലോചനയാണ് യുഡിഎഫ് യോഗത്തിന്റെ മുഖ്യ അജണ്ട. കോണ്‍ഗ്രസും ലീഗും കേരള കോണ്‍ഗ്രസും ആര്‍എസ്പിയുമടക്കം പഴയ മണ്ഡലങ്ങളില്‍ മല്‍സരിക്കും. വീരേന്ദ്രകുമാര്‍ മല്‍സരിച്ചിരുന്ന പാലക്കാടും കോണ്‍ഗ്രസ് ഏറ്റെടുക്കും. പതിവിന് വ്യത്യസ്തമായി ചര്‍ച്ചകള്‍ വേഗത്തില്‍ പൂര്‍ത്തിയാക്കി സ്ഥാനാര്‍ത്ഥി നിര്‍ണ്ണയം നടത്തി പ്രചരണം ആരംഭിക്കാനാണ് യുഡിഎഫിന്റെ നീക്കം.

തെരഞ്ഞെടുപ്പില്‍ ചെറുകക്ഷികളുടെ സാധ്യത പരമാവധി പ്രയോജനപെടുത്തണമെന്ന പൊതു വികാരം യുഡിഎഫിനകത്തുണ്ട്. പക്ഷെ പിസി ജോര്‍ജിന്റെ കാര്യത്തില്‍ എതിര്‍പ്പുയരാനാണ് സാധ്യത. ലീഗിലെ ഒരു വിഭാഗവും കേരള കോണ്‍ഗ്രസും പിസി ജോര്‍ജിനെ സഹകരിപ്പിക്കുന്നതിനെ തുറന്ന് എതിര്‍ക്കും.