അഫ്സാൻ എവിടെയെന്ന് ഷെമിയുടെ ചോദ്യം;  കബറിടത്തിൽ കരഞ്ഞുതളർന്ന് റഹീം 

തിരുവനന്തപുരം: ഏഴുവർഷം കണ്ണുനിറച്ച് കാത്തിരുന്നത് കുഞ്ഞുമോൻ അഫ്സാന്റെ കബറിടം കാണാനല്ലല്ലോ എന്നോർത്തപ്പോൾ അബ്ദുൾ റഹീമിന്റെ സകലനിയന്ത്രണവും വിട്ടു. കൊച്ചുകുട്ടിയെപോലെ വാവിട്ടുകരഞ്ഞു. ഒപ്പം നിന്ന ബന്ധുവിന്റെ തോളിലമർന്നു. കണ്ടുനിന്നവരെയെല്ലാം തളർത്തുന്ന കാഴ്ചയായിരുന്നു പാങ്ങോട് ജുമാമസ്ജിദിൽ കണ്ടത്.