ഹൈക്കോടതി മാര്ഗനിര്ദേശങ്ങള് തെറ്റിച്ച് ആന എഴുന്നള്ളത്ത്; തൃപ്പൂണിത്തുറ പൂര്ണ്ണത്രയീശ ക്ഷേത്രഭരണ സമിതിക്കെതിരെ കേസ്
- Published by:ASHLI
- news18-malayalam
Last Updated:
ആനയും ആളുകളും തമ്മില് എട്ടുമീറ്റര് അകലവും ആനകള് തമ്മില് മൂന്ന് മീറ്റര് അകലവും പാലിച്ചില്ലെന്ന് ചൂണ്ടികാട്ടിയാണ് നടപടി
കൊച്ചി: ഹൈക്കോടതി മാര്ഗനിര്ദേശങ്ങള് തെറ്റിച്ച് ആന എഴുന്നള്ളത്ത് നടത്തിയ തൃപ്പൂണിത്തുറ പൂര്ണ്ണത്രയീശ ക്ഷേത്രഭരണ സമിതിക്കെതിരെ കേസ്. ആനയും ആളുകളും തമ്മില് എട്ടുമീറ്റര് അകലവും ആനകള് തമ്മില് മൂന്ന് മീറ്റര് അകലം പാലിച്ചില്ലെന്ന് ചൂണ്ടികാട്ടിയാണ് വനം വകുപ്പ് കേസെടുത്തത്. .ആന എഴുന്നള്ളിപ്പ് സംബന്ധിച്ച് ഹൈക്കോടതി കഴിഞ്ഞ ദിവസം നിലപാട് വ്യക്തമാക്കിയിരുന്നു.
ആന എഴുന്നള്ളിത്ത് ക്ഷേത്ര ആചാരത്തിന്റെ ഭാഗമല്ലെന്നും രണ്ട് ആനകള് തമ്മില് മൂന്ന് മീറ്റര് പരിധി വേണമെന്നും ജനങ്ങളുടെ സുരക്ഷയാണ് വലുതെന്നും ഹൈക്കോടതി വ്യക്തമാക്കി. ആനകളെ ഉപയോഗിക്കരുത് എന്നല്ല പറയുന്നതെന്നും അനിവാര്യമായ ആചാരങ്ങളില് മാത്രമേ ഇളവുണ്ടാകൂ, മാനദണ്ഡം പാലിക്കണമെന്നാണെന്നും ഹൈക്കോടതി വ്യക്തമാക്കി.
തൃപ്പൂണിത്തറ ക്ഷേത്രം ഭാരവാഹികൾ മാനദണ്ഡത്തില് ഇളവ് തേടി കോടതിയെ സമീപിച്ച ഹര്ജി പരിഗണിച്ചുകൊണ്ടാണ് ഹൈക്കോടതി നിലപാട് വ്യക്തമാക്കിയത്. വിഷയവുമായി ബന്ധപ്പെട്ട് ഒരു ചട്ടം കൊണ്ടുവരണമെന്ന് നേരത്തെ നിർദ്ദേശിച്ചെങ്കിലും സര്ക്കാര് ഇതില് ഇടപെടാത്ത സാഹചര്യം മുൻനിർത്തിയാണ് ഹൈക്കോടതിതന്നെ മാനദണ്ഡം കൊണ്ടുവന്നത്. സര്ക്കാരിന്റെ ചട്ടം വരുന്നതുവരെ ഇത് പാലിക്കണമെന്നും കോടതി നേരത്തെ വ്യക്തമാക്കിയിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
Dec 03, 2024 3:56 PM IST
മലയാളം വാർത്തകൾ/ വാർത്ത/Kerala/
ഹൈക്കോടതി മാര്ഗനിര്ദേശങ്ങള് തെറ്റിച്ച് ആന എഴുന്നള്ളത്ത്; തൃപ്പൂണിത്തുറ പൂര്ണ്ണത്രയീശ ക്ഷേത്രഭരണ സമിതിക്കെതിരെ കേസ്
