ഷെയർചാറ്റ് വഴി ഭാര്യമാരെ പങ്കുവെയ്ക്കൽ; യുവതിയുടെ പരാതിയിൽ ഭാര്യമാരെയും പ്രതി ചേർത്തു

കായംകുളം: ഷെയർചാറ്റ് വഴി ഭാര്യമാരെ പങ്കുവെച്ച സംഭവത്തിൽ ഭാര്യമാരെയും പ്രതി ചേർത്തു. യുവതിയുടെ പരാതിയെ തുടർന്നാണ് പ്രതികളായവരുടെ ഭാര്യമാരെയും പ്രതി ചേർത്തത്. ഈ യുവതി കേസിൽ പ്രതിയായ യുവാവിന്‍റെ ഭാര്യയാണ്. അതേസമയം, കേസിൽ പ്രതികളായ കിരണ്‍ (35), സീതി (39), ഉമേഷ് (28), ബ്ലെസറിന്‍ (32) എന്നിവരെ കൂടുതല്‍ അന്വേഷണത്തിനായി പൊലീസ് മൂന്ന് ദിവസത്തെ കസ്റ്റഡിയില്‍ വാങ്ങി.

യുവതിയുടെ പരാതിയുടെ അടിസ്ഥാനത്തിലാണ് മറ്റ് യുവതികളെയും പ്രതികളാക്കിയത്. വേറൊരാളുമായി ലൈംഗികബന്ധത്തിൽ ഏർപ്പെടാൻ താൽപര്യമില്ലെന്ന് പറഞ്ഞപ്പോൾ ഭർത്താവ് മർദ്ദിച്ചിരുന്നു. മറ്റ് യുവതികളും തന്നെ പരസ്പര കൈമാറ്റത്തിന് നിർബന്ധിച്ചതായും ഈ യുവതി മൊഴി നൽകിയിരുന്നു.

ഷെയർ ചാറ്റിലൂടെ ഭാര്യമാരെ പരസ്പരം കൈമാറി;ഒരു യുവതി എതിർത്തു; നാലു യുവാക്കൾ പിടിയിൽ

വേറൊരാളുമായി ലൈംഗികബന്ധത്തിൽ ഏർപ്പെടുന്നതിന് എതിർപ്പ് അറിയിച്ചെങ്കിലും ഇവർ തന്നെ നിരന്തരം നിര്‍ബന്ധിച്ചതായി പൊലീസിനോട് യുവതി പറഞ്ഞു. യുവതികളെ കേസിൽ പ്രതി ചേര്‍ത്തെങ്കിലും അറസ്റ്റ് ചെയ്തിട്ടില്ല. യുവതികൾ ഒളിവിലാണെന്നും ഉടൻ തന്നെ പിടി കൂടുമെന്നും പൊലീസ് പറഞ്ഞു.

അതേസമയം, ഇവർ വിരിച്ച വലയിൽ കൂടുതൽ പേർ കുടുങ്ങിയിട്ടുണ്ടോ എന്നാണ് അന്വേഷിക്കുന്നത്.