ക്ഷേത്രങ്ങളിൽ അഹിന്ദുകളുടെ പ്രവേശനം നിയന്ത്രിക്കുന്നത് മതസൗഹാർദം ഉറപ്പാക്കും: മദ്രാസ് ഹൈക്കോടതി

ക്ഷേത്രങ്ങളിൽ അഹിന്ദുകളുടെ പ്രവേശനം നിയന്ത്രിക്കുന്നതിലൂടെ മതസൗഹാർദം ഉറപ്പാക്കാനാകുമെന്ന് മദ്രാസ് ഹൈക്കോടതി. പല മതങ്ങളിൽ പെട്ടയാളുകൾ മറ്റു മതങ്ങളുടെ വിശ്വാസത്തെ ബഹുമാനിക്കുമ്പോളാണ് മതസൗഹാർദം ഉണ്ടാകുന്നതെന്നാണ് കോടതി ഇതിന് കാരണമായി പറഞ്ഞത്. തമിഴ്നാട്ടിലെ ക്ഷേത്രങ്ങളിൽ ഏതെങ്കിലും അഹിന്ദുക്കൾക്ക് ഒരു പ്രത്യേകത ദേവനെ ദർശിക്കണമെന്ന് ആഗ്രഹമുണ്ടെങ്കിൽ അവരിൽ നിന്ന് രേഖാമൂലമുള്ള ഒരു ഉടമ്പടി വാങ്ങിയശേഷം അധികാരികൾക്ക് അതിനുള്ള അനുമതി നൽകാമെന്നും കോടതി പറഞ്ഞു. ആ വ്യക്തി ക്ഷേത്രത്തിന്റെയും ഹിന്ദുമതത്തിന്റെയും ആചാരങ്ങളും അനുഷ്ഠാനങ്ങളും അനുസരിക്കണമെന്നും കോടതി ചൂണ്ടിക്കാട്ടി.