കോവിഡ് കേസുകളിൽ വർദ്ധന; കുട്ടികളെ എങ്ങനെ സുരക്ഷിതരാക്കാം? എടുക്കേണ്ട മുൻകരുതലുകൾ എന്തൊക്കെ?

രോഗബാധിതരായവരിൽ കുട്ടികളും ഉൾപ്പെടുന്നുണ്ട്. പല കുട്ടികൾക്കും കോവിഡ് -19 പ്രതിരോധ കുത്തിവയ്പ് എടുത്തിട്ടില്ല, ഇത് വൈറസ് ബാധിക്കാനുള്ള സാധ്യത വർദ്ധിപ്പിക്കുന്നു. കോവിഡ് ബാധിക്കുന്ന കുട്ടികളിലെ ആരോഗ്യ പ്രശ്‌നങ്ങളെക്കുറിച്ച് ജനങ്ങൾ ബോധവാന്മാരാകുകയും സുരക്ഷിതരായിരിക്കാൻ മതിയായ മുൻകരുതലുകൾ എടുക്കുകയും ചെയ്യേണ്ടത് ഏറെ പ്രധാനമാണ്.

ക്യാൻസർ, ഹൃദ്രോ​ഗം, വൃക്ക രോ​ഗങ്ങൾ, കരൾ രോഗങ്ങൾ, പൊണ്ണത്തടി, പ്രമേഹം, ആസ്ത്മ, വിട്ടുമാറാത്ത ശ്വാസകോശ സംബന്ധമായ അസുഖങ്ങൾ തുടങ്ങിയ ഗുരുതരമായ രോഗങ്ങളുള്ള കുട്ടികൾക്ക് കോവിഡ് -19 ബാധിച്ചാൽ അപക‍ട സാധ്യത കൂടുമെന്ന് യൂനിസെഫ് പറയുന്നു. രോഗപ്രതിരോധ ശേഷി കുറഞ്ഞ കുട്ടികളെയും കൊറോണ വൈറസ് ബാധിക്കാനുള്ള സാധ്യത കൂടുതലാണ്. ഇവർ പതിവായി പരിശോധനയ്ക്ക് വിധേയരാകുകയും നല്ല ഭക്ഷണം കഴിക്കുകയും കൊറോണ വൈറസ് വരാനുള്ള സാധ്യത കുറയ്ക്കുന്നതിനാവശ്യമായ മറ്റ് മുൻകരുതലുകൾ പാലിക്കുകയും വേണം.