Daily Workout | ദിവസവും വെറും പത്ത് മിനിട്ട് വ്യായാമം ശീലമാക്കൂ; ആരോഗ്യഗുണങ്ങൾ നിരവധി

ആരോഗ്യമുള്ള ശരീരം കാത്തു സൂക്ഷിക്കാൻ ആഗ്രഹിക്കുന്നവർ തീർച്ചയായും വ്യായാമം ശീലമാക്കണം. ലോകമെമ്പാടുമുള്ള എല്ലാ ആരോഗ്യ വിദഗ്ദരും നൽകുന്ന നിർദേശമാണിത്. നിത്യേനയുള്ള വ്യായാമം ആരോഗ്യമുള്ള ശരീരത്തോടൊപ്പം ആരോഗ്യമുള്ള മനസും പ്രധാനം ചെയ്യുന്നു. എന്നാൽ വളരെ തിരക്കുള്ള നഗര ജീവിതത്തിൽ കൃത്യമായ വ്യായാമം പലർക്കും അസാധ്യമാണെന്ന് തോന്നിയേക്കാം. ആരോഗ്യ വിദഗ്ധരുടെ നിർദ്ദേശപ്രകാരം മുതിർന്നവർ ആഴ്ചയിൽ കുറഞ്ഞത് രണ്ടര മണിക്കൂർ മിതമായ വ്യായാമമോ 75 മിനിറ്റ് എയറോബിക് വ്യായാമമോ ചെയ്തിരിക്കണം. എന്നാൽ ഭൂരിഭാഗം ആളുകളും സമയ കുറവ് മൂലം വ്യായാമത്തെ നിത്യ ജീവിതത്തിൽ നിന്നും മാറ്റി നിർത്തുകയാണ് ചെയ്യുന്നത്. എന്നാൽ നിത്യേന ഏറ്റവും ചുരുങ്ങിയത് പത്തു മിനിറ്റെങ്കിലും വ്യായാമത്തിനായി മാറ്റിവെക്കണം എന്ന് ഡോക്ടർമാർ പറയുന്നു. ഉറക്കമുണർന്നതിന് ശേഷമോ കുളിക്കുന്നതിന് മുമ്പോ ഉച്ചഭക്ഷണ ഇടവേളയിലോ അത്താഴത്തിന് ശേഷമോ ഒരു പത്തു മിനിറ്റ് വർക്ക്ഔട്ടുകൾ അല്ലെങ്കിൽ മൈക്രോ വർക്ക്ഔട്ടുകൾ ചെയ്യാൻ സമയം കണ്ടെത്തുക.