എയര്‍ ഫ്രെഷ്നറുകൾ ഉപയോഗിക്കാറുണ്ടോ? ആരോഗ്യ പ്രശ്നങ്ങൾ നിരവധിയെന്ന് വിദഗ്ധർ

ഫോർമാൽഡിഹൈഡ്, ബെൻസീൻ, ടോലുയിൻ, എഥൈൽബെൻസീൻ, സൈലീൻസ് തുടങ്ങിയ വോളറ്റൈൽ ഓർഗാനിക് സംയുക്തങ്ങൾ (VOCs) ഉൾപ്പെടെ 100-ലധികം രാസവസ്തുക്കൾ എയർ ഫ്രെഷനറുകൾ പുറപ്പെടുവിക്കുന്നു. അവയിൽ ചിലത് വ്യത്യസ്ത തരത്തിലുള്ള കാൻസറിന് കാരണമായേക്കാം

ഉൽപ്പന്നത്തിലെ രാസവസ്തുക്കളെ ആശ്രയിച്ചും ഇത് മണക്കുന്ന മനുഷ്യരുടെ ആരോഗ്യസ്ഥിതി അനുസരിച്ചും എയർ ഫ്രെഷന്റിന്റെ ഫലങ്ങൾ വ്യത്യാസപ്പെടും. ആസ്ത്മ അല്ലെങ്കിൽ അലർജിയുള്ള ആളുകൾ ഇത്തരം ഉൽപ്പന്നങ്ങളോട് കൂടുതൽ സെൻസിറ്റീവ് ആകാൻ സാധ്യതയുണ്ടെന്നും വിദഗ്ധർ പറയുന്നു.

പ്രകൃതിദത്ത ഉത്പന്നങ്ങൾ കൊണ്ടുണ്ടാക്കുന്ന എയർ ഫ്രെഷ്നറുകൾക്ക് അപകടകരമായ രാസവസ്തുക്കൾ പുറന്തള്ളാൻ കഴിയുമെന്നും സള്ളിവൻ പറയുന്നു. അമേരിക്കയിൽ, എയർ ഫ്രെഷ്നർ നിർമ്മാതാക്കൾക്ക് തങ്ങളുടെ ഉൽപ്പന്നങ്ങളിലെ എല്ലാ രാസവസ്തുക്കളുടെ വിവരങ്ങൾ വെളിപ്പെടുത്തേണ്ടതില്ല. അതേസമയം, ശക്തമായ ഗന്ധങ്ങളുള്ള ഉൽപ്പന്നങ്ങളുടെ ഉപയോഗം കുറയ്ക്കാൻ എൺവയോൺമെന്റൽ പ്രോട്ടക്ടിങ് ഏജൻസി ശുപാർശ ചെയ്യുന്നു. മുറികൾക്കുള്ളിൽ സുഗന്ധം പകരാൻ ഏറ്റവും സുരക്ഷിതമായ ഓപ്ഷനാണ് എസൻഷ്യൽ ഓയിലുകൾ. എന്നാൽ അവ ഉപയോഗിക്കുന്നതിന് മുമ്പ് ഇത്തരം എണ്ണയിൽ എന്തൊക്കെ വസ്തുക്കളാണ് അടങ്ങിയിരിക്കുന്നതെന്ന് പരിശോധിക്കണമെന്നും സള്ളിവൻ പറയുന്നു.