Left Handers Day 2020 | നരേന്ദ്രമോദി, സച്ചിൻ, അമിതാഭ് ബച്ചൻ; ഇടങ്കൈയ്യരെ കുറിച്ച് നിങ്ങൾക്കറിയാത്ത പത്ത് കാര്യങ്ങള്‍

ഇടങ്കൈയ്യർക്ക് ഒരു പ്രത്യേക ദിനം എന്തിന് എന്ന് ചിന്തിച്ച് നെറ്റിചുളിക്കേണ്ട. ലോക ജനസംഖ്യയിൽ തന്നെ ന്യൂനപക്ഷമാണ് ഇടങ്കൈയ്യർ. ചരിത്രാതീത കാലം മുതൽ ഇടങ്കൈയ്യർ ഉണ്ട്. ജൂലിയർ സീസർ, അലക്സാണ്ടർ ദി ഗ്രേറ്റ് , നെപ്പോളിയൻ തുടങ്ങി നിരവധി പേർ ഈ പട്ടികയിൽ ഉണ്ട്.

നമുക്കിടയിൽ വളരെ കുറച്ചു പേർ മാത്രമാണ് ഇടങ്കൈയ്യരായിട്ടുള്ളത്. വെറും പത്ത് ശതമാനം മാത്രമാണ് ഇടങ്കൈയ്യരുടെ അംഗബലം എന്നാണ് കണക്കുകൾ സൂചിപ്പിക്കുന്നത്. ഇത് തന്നെയാണ് അവരുടെ ഏറ്റവും വലിയ പ്രത്യേകതയും.

സ്വന്തമായി ഒരു പ്രത്യേക ദിവസം തന്നെയുള്ളവരാണ് ഇടങ്കൈയ്യർ. ഓഗസ്റ്റ് 13. ഇടങ്കൈയ്യർക്ക് മാത്രമായുള്ള ദിനമാണിത്. എല്ലാ വർഷവും ഓഗസ്റ്റ് 13 ഇടങ്കൈയ്യരുടെ ദിനമായി ആഘോഷിക്കുന്നു.

വലംകൈയ്യരുടെ ആധിപത്യമുള്ള ഈ ലോകത്ത് വലതിനെയാണ് പൊതുവെ നല്ലതുമായി ബന്ധപ്പെടുത്താറുള്ളത്. എന്നാൽ ഇടങ്കൈയ്യർ ഇതിന്റെ കൃത്യ വിപരീതമാണ്. 'റൈറ്റ് ഹാൻഡഡ് മാൻ' എന്ന പ്രയോഗം പോലുമുണ്ട് വലതിന്റെ ആധിപത്യത്തിന്. എന്നാൽ ഇവിടെപോലും ഇടംകൈകൊണ്ട് വേറിട്ടു നിൽക്കുകയാണ് ഇവർ.

സ്കോട്ട് ലാൻഡിലെ ക്യൂൻ മാര്‍ഗരറ്റ് യൂണിവേഴ്സിറ്റി നടത്തിയ പഠനം അനുസരിച്ച് ഇടങ്കൈയ്യർ വേഗം ഭയപ്പെടുന്നവരാണെന്നാണ് കണ്ടെത്തൽ. ഭയപ്പെടുത്തുന്ന സിനിമകളും ദൃശ്യങ്ങളും കാണുമ്പോൾ പോസ്റ്റ് ട്രീമാറ്റിക് സ്ട്രെസിന്റെ ലക്ഷണങ്ങൾ ഇടങ്കൈയ്യർ കാണിക്കാറുണ്ടെന്നാണ് പഠനം വ്യക്തമാക്കുന്നത്. ഭയത്തിന്റെ റിയാക്ഷൻ തലച്ചേറിലെ ഇടത് ഭാഗത്ത് രൂപപ്പെടുന്നതു കൊണ്ടാണ് ഇതെന്നും പഠനം വ്യക്തമാക്കുന്നു. (തലച്ചോറിന്റെ വലതു ഭാഗമാണ് ഇടങ്കൈയ്യരിൽ മുന്നിട്ട് നിൽക്കുന്നത് )

പൊതുവിൽ ഉയർന്ന ഐക്യു ഉള്ളവരാണ് ഇടങ്കൈയ്യർ എന്നാണ് പറയപ്പെടുന്നത്. ഐക്യു ലെവൽ 140നും മുകളിലുള്ള ഇടങ്കൈയ്യർ ഉണ്ട്. ആൽബർട്ട് ഐൻസ്റ്റീനും ബെഞ്ചമിൻ ഫ്രാങ്ക്ളിനും ഈ ഗണത്തിൽപ്പെടുന്നരാണ്.

ഇടങ്കൈയ്യർനാണം കുണുങ്ങികളാണെന്നാണ് ബിബിസി റിപ്പോർട്ട് ചെയ്യുന്നത്. തലച്ചോറിന്റെ വലതുഭാഗത്ത് ഈ വികാരങ്ങളുടെ ചുമതലയുള്ളതാണ് ഇതിന് കാരണമായി പറയപ്പെടുന്നത്.

ഗര്‍ഭാവസ്ഥയിൽ കൂടുതൽ സമ്മർദങ്ങൾ അനുഭവിക്കേണ്ടി വരുന്ന അമ്മയ്ക്ക് ജനിക്കുന്നത്ഇടങ്കൈയ്യരായിരിക്കുമെന്ന് ചില റിപ്പോർട്ടുകൾ സൂചിപ്പിക്കുന്നുണ്ട്.

ബിസിനസ് ഇൻ‌സൈഡർ റിപ്പോർട്ട് അനുസരിച്ച് വ്യത്യസ്ത ചിന്താഗതിയുള്ളവരാണ് ഇടങ്കൈയ്യരെന്നും, അതിനാൽ ഒരു നിശ്ചിത കാര്യത്തിൽ ഒന്നിലധികം നിഗമനങ്ങളിൽ എത്തിച്ചേരാൻ അവർക്ക് കഴിയുമെന്നുമാണ്. ഇത് മികച്ച ആർട്ടിസ്റ്റുകൾക്കും ക്രിയേറ്റിവിറ്റിക്കും കാരണമാകുമെന്നും ഇതിൽ പറയുന്നു.

വില്യം രാജകുമാരനും മകൻ ജോർജ്ജ് രാജകുമാരനും ഇടങ്കൈയ്യരാണ്. രാജകുടുംബത്തിൽ വിക്ടോറിയ രാജ്ഞിയും ജോർജ്ജ് ആറാമൻ രാജാവും, അമ്മ രാജ്ഞിയും ഉൾപ്പെടെ ഇടങ്കൈയ്യൻമാരുണ്ട്.

അമേരിക്കൻ പ്രസിഡന്റുമാരിൽ എട്ടു പേരാണ് ഇടങ്കൈയ്യരായിരുന്നത്. ജെയിംസ് എ ഗാർഫീൽഡ്, ഹെർബർട്ട് ഹൂവർ, ജെരാൾഡ് ഫോർഡ്, റൊണാൾഡ് റീഗൻ, ജോർജ് എച്ച് ഡബ്ല്യു ബുഷ്, ബിൽ ക്ളിന്റൺ, ബരാക് ഒബാമ എന്നിവരായിരുന്നു ഇടങ്കൈ പ്രസിഡന്റുമാർ.