കൽദായ സഭ പാത്രിയർക്കീസ് ബാവയുടെ പ്രഥമ ഇന്ത്യാ സന്ദർശനം വ്യാഴാഴ്ച മുതൽ

തൃശൂർ: കൽദായ സഭയുടെ ആഗോള പരമാധ്യക്ഷൻ കാതോലിക്കോസ് പാത്രിയർക്കീസ് മാറൻ മാർ ആവ തൃതീയന്‍റെ ആദ്യ ഇന്ത്യ സന്ദർശനം നാളെ(വ്യാഴാഴ്ച) മുതൽ ആരംഭിക്കും. ബുധനാഴ്ച തൃശൂരിലെത്തിയ അദ്ദേഹം വ്യാഴം, വെള്ളി, ശനി ദിവസങ്ങളിൽ തൃശൂരിലെ വിവിധ ദേവാലയങ്ങൾ സന്ദർശിക്കും. എട്ടിന് രാവിലെ ഏഴ് മണിക്ക് മെത്രാപ്പോലീത്ത അരമനയിൽനിന്ന് പട്ടാഭിഷേകത്തിനു മുന്നോടിയായിട്ടുള്ള പരമ്പരാഗത എതിരേൽപ്പ്‌ മാർത്ത് മറിയം വലിയപ്പള്ളി കത്തീഡ്രലിലേക്ക് നടത്തും. മെത്രാപ്പോലീത്തൻ പിൻഗാമിയായി നിയുക്ത മെത്രാപ്പോലീത്തയായ മാർ ഔഗിൻ കുരിയാക്കോസിന്റെ മെത്രാപ്പോലീത്താ പട്ടാഭിഷേക ശുശ്രൂഷയും നടക്കും.