ബോയിംഗ് സുകന്യ; വ്യോമയാന മേഖലയിൽ സ്ത്രീകളുടെ പങ്കാളിത്തം വർദ്ധിപ്പിക്കാനുള്ള പദ്ധതി

രാജ്യത്തെ വ്യോമയാന മേഖലയിൽ സ്ത്രീകളുടെ പങ്കാളിത്തം വർദ്ധിപ്പിക്കുന്നത് ലക്ഷ്യമിട്ട് കേന്ദ്ര സർക്കാർ ബോയിംഗ് സുകന്യ പദ്ധതിയ്ക്ക് തുടക്കം കുറിച്ചു. വെള്ളിയാഴ്ച പ്രധാനമന്ത്രി നരേന്ദ്രമോദിയാണ് പദ്ധതിയുടെ ഉദ്ഘാടനം നിർവഹിച്ചത്. സയൻസ്, ടെക്നോളജി, എൻജിനീയറിംഗ്, മാത്തമാറ്റിക്സ് (STEM) തുടങ്ങിയ വിഷയങ്ങളിൽ രാജ്യത്തുടനീളമുള്ള സ്ത്രീകൾക്കും പെൺകുട്ടികൾക്കും പഠനം നടത്താനും വ്യോമയാന രംഗത്തെ ജോലികൾക്കായി പരിശീലനം നൽകാനും ഈ പദ്ധതി അവസരം ഒരുക്കും.