മദ്യം കല്യാണത്തിന് ഹാനികരം? വിവാഹച്ചടങ്ങിനിടെ മറ്റൊരു യുവതിയോടൊപ്പമിരുന്ന് മദ്യപിച്ച വരനോട് വധുവിന്റെ 'നോ'

കാന്‍പൂര്‍: വിവാഹച്ചടങ്ങിനിടെ നവവരന്‍ മറ്റൊരു യുവതിയോടൊപ്പമിരുന്ന് മദ്യപിച്ചതറിഞ്ഞ വധു വിവാഹത്തില്‍ നിന്ന് പിന്‍മാറി. ഉത്തര്‍പ്രദേശിലെ കാന്‍പൂരിനടുത്തുള്ള ബാരയിലാണ് സംഭവം നടന്നത്. തീരുമാനത്തില്‍ നിന്ന് പിന്‍മാറാന്‍ കുടുംബാംഗങ്ങള്‍ നിര്‍ബന്ധിച്ചിട്ടും വധു തന്റെ നിലപാടിലുറച്ചു നില്‍ക്കുകയായിരുന്നു. പിന്നീട് പോലീസും സംഭവസ്ഥലത്തെത്തി. എന്നാല്‍ തന്റെ തീരുമാനത്തില്‍ മാറ്റമില്ലെന്ന് വധു അറിയിച്ചു. ഇതോടെ വരന്റെയും വധുവിന്റെയും വീട്ടുകാര്‍ തമ്മില്‍ വാക്കുതര്‍ക്കമുടലെടുക്കുകയും ചെയ്തു. പോലീസ് ഇരുകൂട്ടരെയും കാര്യങ്ങള്‍ പറഞ്ഞ് ബോധ്യപ്പെടുത്തിയതോടെയാണ് വരന്റെ വീട്ടുകാര്‍ വിവാഹമണ്ഡപത്തില്‍ നിന്ന് തിരികെപ്പോയത്.