മുപ്പതാം വയസിൽ ജോലി ഉപേക്ഷിച്ച് ആരംഭിച്ച സ്റ്റാർട്ട്അപ് സംരംഭത്തിനിന്ന് വിറ്റുവരവ് 100 കോടി

ഉയർന്ന ശമ്പളം ഉണ്ടായിരുന്ന ജോലി ഉപേക്ഷിച്ച് യുവതി ആരംഭിച്ച സംരംഭത്തിന്റെ വിറ്റ് വരവ് ഇന്ന് 100 കോടി രൂപ. ആരോഗ്യകരമായ ലഘു ഭക്ഷണ നിർമ്മാതാക്കളായ ഓപ്പൺ സീക്രട്ടാണ് (Open Secret) ഈ നേട്ടം കൈവരിച്ചത്. കമ്പനി സ്ഥാപകയും രാജസ്ഥാൻ സ്വദേശിനിയുമായ അഹാന ഗൗതമാണ് ഓപ്പൺ സീക്രട്ടിന്റെ വിജയത്തിന് പിന്നിൽ. ഐഐടി ബോംബെയിൽ നിന്നും ബിരുദവും ഹാർവാഡ് യൂണിവേഴ്സിറ്റിയിൽ നിന്ന് എംബിഎയും പൂർത്തിയാക്കിയ അഹാന തന്റെ മുപ്പതാം വയസ്സിലാണ് ജോലി ഉപേക്ഷിച്ച് സ്വന്തം സംരഭം ആരംഭിച്ചത്. തന്റെ അമ്മയുടെ പിന്തുണയാണ് ജോലി ഉപേക്ഷിച്ച് സ്വന്തം സംരംഭം തുടങ്ങാൻ പ്രേരിപ്പിച്ചതെന്ന് അഹാന പറയുന്നു.