‘Jio-bp’ partnership | റിലയൻസിനൊപ്പം കൈകോർത്ത് ബ്രിട്ടീഷ് പെട്രോളിയവും; 49% ഓഹരി സ്വന്തമാക്കിയത് ഒരു ബില്യൺ ഡോളറിന്

2019ലെ കരാർ അനുസരിച്ച് കഴിഞ്ഞ കുറച്ച് കാലങ്ങളായി ബ്രിട്ടീഷ് പെട്രോളിയവും റിലയൻസ് ഇൻഡസ്ട്രീസ് ലിമിറ്റഡും വെല്ലുവിളി നിറഞ്ഞ അന്തരീക്ഷത്തിൽ പ്രവർത്തിച്ചു വരികയായിരുന്നു.ഒരു ബില്യൺ ഡോളറാണ് (ഏകദേശം 7500 കോടി ഇന്ത്യൻ രൂപ) 49 ശതമാനം ഓഹരി സ്വന്തമാക്കാൻ ബ്രിട്ടീഷ് പെട്രോളിയം റിലയൻസ് ഇൻഡസ്ട്രീസ് ലിമിറ്റഡിന് നൽകിയത്. റിലയൻസ് ഇൻഡസ്ട്രീസ് ലിമിറ്റഡ് 51 ശതമാനം ഓഹരി കൈവശം വെയ്ക്കുന്നുണ്ട്.

ജിയോ ഡിജിറ്റൽ പ്ലാറ്റ്ഫോമിലൂടെ 21 സംസ്ഥാനങ്ങളിലുമുള്ള ലക്ഷക്കണക്കിന് ഉപഭോക്താക്കൾക്ക് ഇത് പ്രയോജനപ്പെടും. നിലവിലുള്ള 1400 റീട്ടെയിൽ കേന്ദ്രങ്ങൾ അടുത്ത അഞ്ചു വർഷത്തിനുള്ളിൽ 5500 ആയി വർദ്ധിപ്പിക്കാനാണ് ആർ ബി എം എൽ ലക്ഷ്യമിടുന്നത്. അടുത്ത 20 വർഷത്തിനുള്ളിൽ ഇന്ത്യ അതിവേഗം വളരുന്ന ഇന്ധനവിപണിയാകുമെന്നാണ് പ്രതീക്ഷിക്കുന്നത്. ഇത് നിരവധി പേർക്ക് തൊഴിലവസരങ്ങളും നൽകും. ഈ കാലായളവിൽ 20,000 മുതൽ 80,000 വരെ ആളുകൾക്ക് തൊഴിൽ നൽകും. വരും വർഷങ്ങളിൽ 30 മുതൽ 45 വരെ വിമാനത്താവളങ്ങളിൽ സാന്നിധ്യം അറിയിക്കാനും ഈ സംയുക്ത സംരംഭം ലക്ഷ്യമിടുന്നു.

പങ്കാളത്തിത്തെക്കുറിച്ച് റിലയൻസ് ഇൻസ്ട്രീസ് ലിമിറ്റഡിന്റെ ചെയർമാനും മാനേജിംഗ് ഡയറക്ടറുമായ മുകേഷ് അംബാനി പറയുന്നത് ഇങ്ങനെ, 'ബിപിയുമായുള്ള ശക്തമായതും മൂല്യവത്തായതുമായ പങ്കാളിത്തത്തിലൂടെ റിലയൻസ് വിപുലീകരിക്കുന്നു. റീട്ടെയിൽ, വ്യോമയാന ഇന്ധനങ്ങളിൽ ഇന്ത്യൻ സാന്നിധ്യം സ്ഥാപിക്കുകയാണ് ലക്ഷ്യം. ഡിജിറ്റൽ സാങ്കേതിക വിദ്യയിലൂടെ ഇന്ത്യൻ ഉപഭോക്താക്കൾക്ക് നല്ല ഇന്ധനം നൽകാനാണ് ലക്ഷ്യമിടുന്നതെന്നും മുകേഷ് അംബാനി പറഞ്ഞു.