നിങ്ങളുടെ നഗരം തിരഞ്ഞെടുക്കുക

    Budget 2021 Live Updates: എഴുപത്തിയഞ്ചു വയസ്സിനു മേല്‍ പ്രായമുള്ളവര്‍ ഇനി മുതൽ ആദായ നികുതി റിട്ടേണ്‍ സമര്‍പ്പിക്കേണ്ട

    Union Budget 2021: കോവിഡ് പ്രതിസന്ധികളെ മറികടക്കാനുള്ള പദ്ധതികൾക്ക് ആകും ഇത്തവണ ബജറ്റിൽ ഊന്നൽ നൽകുക.

  • News18 Malayalam
  • | February 01, 2021, 13:13 IST
    facebookTwitterLinkedin
    LAST UPDATED 10 MONTHS AGO

    AUTO-REFRESH

    HIGHLIGHTS

    17:39 (IST)

    കർഷകരുടെ വരുമാന വർധനയ്ക്കാണ് ബജറ്റ് ഊന്നൽ നൽകിയിരിക്കുന്നതെന്ന് പ്രധാനമന്ത്രി നരേന്ദ്ര മോദി. കർഷകരും ഗ്രാമങ്ങളുമാണ് ബജറ്റിന്റെ ഹൃദയമെന്നാണ് പ്രഖ്യാപനങ്ങൾ കാണിക്കുന്നതെന്നും പ്രധാനമന്ത്രി പ്രതികരിച്ചു. വളർച്ചയ്ക്ക് പുതിയ സാധ്യതകൾ വികസിപ്പിക്കുന്ന സമീപനമാണ് ഞങ്ങൾ സ്വീകരിച്ചത്. സേവന രംഗത്ത് വലിയ ഉയർച്ചയും അടിസ്ഥാന സൗകര്യവികസനത്തിൽ പുതിയ മേഖലകൾ വികസിപ്പിക്കുകയും സാങ്കേതിക വിദ്യയ്ക്കൊപ്പം മുന്നോട്ട് വന്ന് പുതിയ പരിഷ്കാരങ്ങൾ കൊണ്ടുവരികയുമാണ് ചെയ്തിരിക്കുന്നത്.

    17:38 (IST)

    കേന്ദ്ര ബജറ്റ് വികസന കുതിപ്പിന് ഗതിവേഗം നല്‍കുമെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ പറഞ്ഞു. കേന്ദ്രസര്‍ക്കാരിനെ പരസ്യമായി അഭിനന്ദിക്കാന്‍ പിണറായി വിജയനും തോമസ് ഐസക്കും തയാറാകണം. ബജറ്റ് കേരളത്തിന്റെ വളര്‍ച്ചക്കും വികസനത്തിനും സഹായകമാണെന്നും സുരേന്ദ്രന്‍ പറഞ്ഞു.

    കേരളത്തിൽ നിന്നും എട്ടു കേന്ദ്രമന്ത്രിമാര്‍ ഉണ്ടായിരുന്ന കാലത്തു പോലും ഇത്തരം സഹായമുണ്ടായിട്ടില്ല. തോമസ് ഐസക്കും കൂട്ടരും കണ്ണ് തുറന്ന് ഇത് കാണണം. മോദി സര്‍ക്കാരിനെ കുറിച്ച് തെറ്റിദ്ധാരണ പരത്തുന്നത് അവസാനിപ്പിക്കണം. കേന്ദ്രസര്‍ക്കാരിനെ പരസ്യമായി അഭിനന്ദിക്കാന്‍ പിണറായി വിജയനും തോമസ് ഐസക്കും തയാറാകണമെന്നും ഐസക് മാപ്പ് പറയണമെന്നും സുരേന്ദ്രൻ ആവശ്യപ്പെട്ടു.

    17:38 (IST)

    ബി ജെ പി സർക്കാരിന്റെ കേന്ദ്ര ബജറ്റിനെ പരിഹസിച്ച് കോണ്‍ഗ്രസ് നേതാവും എം പിയുമായ ഡോ. ശശി തരൂര്‍. ട്വിറ്ററിലൂടെയാണ് അദ്ദേഹത്തിന്റെ പ്രതികരണം. ''ഈ ബി ജെ പി സര്‍ക്കാര്‍ എന്നെ ഓര്‍മിപ്പിക്കുന്നത്, ബ്രേക്ക് ശരിയാക്കാന്‍ സാധിക്കാത്തതുകൊണ്ട് ഹോണിന്റെ ശബ്ദം കൂട്ടിയിട്ടുണ്ടെന്ന് ഉടമയോട് പറഞ്ഞ ഗാരേജ് മെക്കാനിക്കിനെയാണ്''- എന്നായിരുന്നു തരൂരിന്റെ ട്വീറ്റ്.

    17:36 (IST)

    കേന്ദ്ര ധനമന്ത്രി നിർമല സിതാരാമൻ ഇന്ന് അവതരിപ്പിച്ച ബജറ്റിലെ നിർദ്ദേശങ്ങളെ പരിഹസിച്ച് കോൺഗ്രസ് എം.എൽ.എ വി.ഡി സതീശൻ. കേരളം ഉൾപ്പെടെയുള്ള സംസ്ഥാനങ്ങളിലെ ദേശീയപാത വികസനത്തിനായി പണം വകയിരുത്തിയെന്ന പ്രഖ്യാപനത്തെ പരിഹസിച്ചാണ് സതീശന്റെ ഫേസ്ബുക്ക് പോസ്റ്റ്. ഈ സംസ്ഥാനങ്ങളിൽ ഏപ്രിലിൽ നടക്കാനിരിക്കുന്ന നിയമസഭാ തെരഞ്ഞെടുപ്പ് മുന്നിൽക്കണ്ടുള്ളതാണ് പ്രഖ്യാപനമെന്നതാണ് സതീശന്റെ വിമർശനം.

    13:12 (IST)

    ബജറ്റ് അവതരണത്തിനു പിന്നാലെ ഓഹരി വിപണി ഉയർന്നു. സെൻസെക്സ് 1420.03 പോയിന്റ് ഉയർന്ന് 47,705.80 ൽ എത്തി. നിഫ്റ്റി 362.70 പോയിൻറ് ഉയർന്ന് 13,997.30 ൽ എത്തി

    13:0 (IST)

    ധനമന്ത്രി നിർമല സിതാരാമൻ ബജറ്റ് പ്രസംഗം അവസാനിപ്പിച്ചു.


    12:59 (IST)

    ആദായ നികുതി നിരക്കിലും സ്ലാബുകളിലും മാറ്റമില്ല.

    12:59 (IST)

    സൗരോർജ വിളക്കുകൾക്കുള്ള കസ്റ്റംസ് തീരുവ കുറച്ചു. അഞ്ച് ശതമാനമായാണ് കുറച്ചത്.

    12:57 (IST)

    രാജ്യത്ത് ആദായനികുതി റിട്ടേണ്‍ ഫയല്‍ ചെയ്യുന്നവരുടെ എണ്ണം 2014 ലെ 3.31 കോടിയില്‍ നിന്ന് 2020 ല്‍ 6.48 കോടിയായി ഉയർന്നെന്ന് ധനമന്ത്രി

    12:56 (IST)

    ആദായനികുതി സംബന്ധിച്ച തര്‍ക്കങ്ങള്‍ പരിഹരിക്കാന്‍ പ്രത്യേക സമിതി രൂപീകരിക്കും

    ന്യൂ​ഡ​ല്‍​ഹി: രണ്ടാം മോദി സർക്കാരിന്‍റെ മൂന്നാമത് ബജറ്റ് കേന്ദ്ര ധനകാര്യ മന്ത്രി നിർമലാ സീതാരാമൻ പാർലമെന്റിൽ അവതരിപ്പിക്കുന്നു. ആരോഗ്യ മേഖലയ്ക്ക് വലിയ പരിഗണന നൽകുന്നതാണ് ഇത്തവണത്തെ കേന്ദ്ര ബജറ്റ്. 64180 കോടിയുടെ ആത്മ നിർഭർ ആരോഗ്യ യോജന പദ്ധതിയും ധനമന്ത്രി ബജറ്റിൽ പ്രഖ്യാപിച്ചു. രാജ്യ തലസ്ഥാനത്ത് കര്‍ഷക സമരവും സംഘര്‍ഷ സാധ്യതയും തുടരുന്നതിനിടെയാണ് ധനമന്ത്രി നിർമ്മല സീതാരാമൻ ഇന്ന് ബജറ്റ് അവതരിപ്പിക്കുന്നത്. കോവിഡ് പ്രതിസന്ധി സൃഷ്ടിച്ചതിന് ശേഷമുളള ആദ്യ ബജറ്റ് കൂടിയാണിത്. രാവിലെ 10.15 ന് കേന്ദ്ര മന്ത്രിസഭ യോഗം ചേർന്ന് ബജറ്റിന് അനുമതി നൽകി. 11മണിക്കാണ് ധനമന്ത്രി നിർമലാ സീതാരാമൻ ബജറ്റ് അവതരിപ്പിച്ചു തുടങ്ങിയത്. പെട്ടി മാറ്റി, തുണിയിൽ പൊതിഞ്ഞ ഫയൽക്കെട്ടുമായി കീഴ് വഴക്കങ്ങൾ മാറ്റിയ ധനമന്ത്രി ഇത്തവണ പേപ്പർ രഹിത ബജറ്റാണ് അവതരിപ്പിക്കുനത് എന്ന പ്രത്യേകതയുമുണ്ട്. പൂർണമായും കോവിഡ് മാനദണ്ഡങ്ങൾ പാലിച്ചാണ് ബജറ്റ് അവതരണം. ബജറ്റ് അവതരണത്തിന് മുന്നോടിയായി പ്രധാനമന്ത്രിയുടെ അധ്യക്ഷതയിൽ സർവ്വകക്ഷി യോഗം ചേർത്തിരുന്നു. കോവിഡ് പ്രതിസന്ധികളെ മറികടക്കാനുള്ള പദ്ധതികൾക്ക് ആകും ഇത്തവണ ബജറ്റിൽ ഊന്നൽ നൽകുക. നികുതി ഘടനയിൽ മാറ്റവും സാമ്പത്തിക പുനരുജ്ജീവനവും ആണ് ബജറ്റിലെ പ്രതീക്ഷകൾ. ആത്മനിർഭർ ഭാരതിന്റെ തുടർ പദ്ധതികളും ബജറ്റിൽ ഉൾപ്പെടും.

    രാജ്യം കോവിഡ് പ്രതിസന്ധിയെ മറികടന്നു കൊണ്ടിരിക്കുകയാണ്. ഈ തിരിച്ചു വരവിനു കരുത്തു പകരുകയാവും ബജറ്റിലൂടെ നിർമലാ സീതാരാമൻ ഉദ്ദേശിക്കുന്നത്. സാമ്പത്തിക വളർച്ച ലക്ഷ്യമിട്ടുള്ള പദ്ധതികൾ, മാറ്റങ്ങൾ എന്നിവ ഉണ്ടാകുമെന്ന സൂചന സാമ്പത്തിക സർവേ നൽകുന്നുമുണ്ട്. വാണിജ്യ വ്യവസായ രംഗത്തു കൊണ്ടുവരുന്ന പരിഷ്‌ക്കരണ നടപടികൾ തുടരുന്നതിനൊപ്പം നികുതി ഘടനയിൽ മാറ്റങ്ങളുണ്ടാകുമോ എന്നാണ് ഏവരും ഉറ്റു നോക്കുന്നത്. ഇലക്ട്രോണിക് ഉപകരണങ്ങളുടെ ഇറക്കുമതി തീരുവ വർദ്ധിപ്പിച്ചേക്കും. നിലവാരം കുറഞ്ഞ ഉത്പന്നങ്ങളുടെ ഇറക്കുമതി കുറയ്ക്കുകയും തദ്ദേശ വിപണിയെ പ്രോത്സാഹിപ്പിക്കുകയുമാകും സർക്കാർ ലക്ഷ്യം.

    കോർപറേറ്റ് നികുതിയിൽ കാര്യമായ ഇടപെടൽ ഉണ്ടായേക്കില്ല, എന്നാൽ നിക്ഷേപ സൗഹൃദ പദ്ധതികൾക്ക് ഊന്നൽ നൽകും. നിക്ഷേപ സമാഹരണം തന്നെയെവും ഇത്തവണയും ബജറ്റിലെ നിർണായക ഘടകം. പൊതുമേഖലാ സ്ഥാപനങ്ങളുടെ ഓഹരികൾ വിൽക്കുക വഴി അടിസ്ഥാന സൗകര്യത്തിനു കൂടുതൽ പണം കണ്ടെത്തുകയാണ് ലക്ഷ്യം. കോവിഡ് രൂക്ഷമായി ബാധിച്ച നിർമ്മാണ മേഖല, റിയൽ എസ്റ്റേറ്റ്, വിനോദ സഞ്ചാര മേഖല, യാത്ര സംവിധാനങ്ങൾ എന്നിവയ്ക്ക് പ്രത്യേക പരിഗണന ഉണ്ടായേക്കാം. നിർമ്മാണ മേഖലയിലെ തൊഴിൽ സാഹചര്യങ്ങൾ മെച്ചപ്പെടുത്തുക ആണ് സർക്കാർ ഉദ്ദേശം.

    പ്രതിസന്ധി ഘട്ടത്തിൽ രാജ്യത്തെ കൈ പിടിച്ചു നടത്തിയ ആരോഗ്യ മേഖലയ്ക്ക് കൂടുതൽ കരുതൽ ഉണ്ടാകുമെന്നാണ് പ്രതീക്ഷിക്കുന്നത്. പ്രവാസികൾക്ക് ഗുണകരമാകുന്ന പദ്ധതികൾ, നികുതി നിർദേശങ്ങൾ എന്നിവയും ധനമന്ത്രി മുന്നോട്ട് വെക്കും. 2022 ഓടു കൂടി കര്‍ഷകരുടെ വരുമാനം ഇരട്ടിയാക്കുന്നതിനായി ഉള്ള പദ്ധതികൾക്ക് പ്രമുഖ്യം ഉണ്ടാകും. ബജറ്റിലൂടെ കാർഷിക നിയമങ്ങൾക്ക് എതിരായ പ്രതിഷേധങ്ങൾക്കുള്ള മറുപടിയും സർക്കാർ ലക്ഷ്യമിടുന്നുണ്ട്.
    )}