Gold Price Today| സ്വർണ വില കുറഞ്ഞു; ഇന്നത്തെ നിരക്കുകൾ അറിയാം
- Published by:Rajesh V
- news18-malayalam
Last Updated:
ഒരു പവൻ സ്വർണത്തിന് 36.640 രൂപയും ഗ്രാമിന് 4580 രൂപയുമാണ് ഇന്നത്തെ വില.
ന്യൂഡൽഹി/ കൊച്ചി: സംസ്ഥാനത്ത് സ്വര്‍ണവില കുറഞ്ഞു. പവന് 80 രൂപയും ഗ്രാമിന് എട്ട് രൂപയുമാണ് ഇന്ന് കുറഞ്ഞത്. ഒരു പവൻ സ്വർണത്തിന് 36.640 രൂപയും ഗ്രാമിന് 4580 രൂപയുമാണ് ഇന്നത്തെ വില. ബുധനാഴ്ച വിലയിൽ മാറ്റമുണ്ടായിരുന്നില്ല. ചൊവ്വാഴ്ച പവന് 80 രൂപയും ഗ്രാമിന് 10 രൂപയും വർധിച്ചിരുന്നു. തിങ്കളാഴ്ച പവന് 88 രൂപ കുറഞ്ഞ് സ്വർണവില 36,640 രൂപയിലെത്തിയിരുന്നു. കഴിഞ്ഞ മൂന്നോ നാലോ ആഴ്ചകളായി സ്വര്‍ണവിലയില്‍ മുന്നേറ്റമാണ് ദൃശ്യമായത്. ഇതിനിടെ ഏതാനും ദിവസങ്ങളില്‍ വില താഴ്ന്നുവെങ്കിലും വില ഉയരുന്ന പ്രവണതയാണ് പൊതുവേ സ്വര്‍ണവിലയില്‍ കാണുന്നത്.
മെയ് ആദ്യം 35,040 രൂപയായിരുന്നു ഒരു പവന് സ്വര്‍ണത്തിന്റെ വില. തുടര്‍ന്ന് ചാഞ്ചാടി നിന്ന വില വീണ്ടും ഉയരുന്നതാണ് കണ്ടത്. ഒരു മാസത്തിനിടെ 1000 രൂപയാണ് ഉയര്‍ന്നത്. അതേസമയം, രാജ്യാന്തര വിപണിയിൽ സ്വർണത്തിന്റെ വിലയിൽ കുറവുണ്ടായി. ഇന്നത്തെ ഔൺസ് വില 1885.36 ഡോളറാണ്. ഇന്നലെ ഇത് 1893.92ഡോളറായിരുന്നു. കഴിഞ്ഞ ആഴ്ചകളിൽ ഇത് 1900 പിന്നിട്ടിരുന്നു. രാജ്യത്തെ കമ്മോഡിറ്റി വിപണിയിലും ഇന്ന് സ്വർണത്തിന് വില കുറഞ്ഞു. പത്ത് ഗ്രാം 24 കാരറ്റ് സ്വര്‍ണത്തിന് 48950 രൂപയാണ് ഇന്ന്. ബുധനാഴ്ച ഇത് 49145 രൂപയായിരുന്നു.
advertisement
കേന്ദ്ര ബജറ്റിൽ സ്വര്‍ണത്തിന്റെ ഇറക്കുമതി തീരുവ കുറയ്ക്കുമെന്ന പ്രഖ്യാപനത്തിന് ശേഷം പവന് 1800 രൂപ കുറഞ്ഞിരുന്നു. പിന്നീട് മൂന്ന് തവണയായി 800 രൂപ വര്‍ധിക്കുകയും ചെയ്തു. കേന്ദ്ര ബജറ്റിന് പിന്നാലെ തുടര്‍ച്ചയായി ഇടിവ് രേഖപ്പെടുത്തിയ സ്വര്‍ണവില ഒരുമാസം മുന്‍പ് മുതല്‍ വര്‍ധിക്കാന്‍ തുടങ്ങിയിരുന്നു. തുടര്‍ന്നുള്ള ദിവസങ്ങളിലും സ്വര്‍ണ വില കൂടി. ധന വിപണിയില്‍ ആഗോളതലത്തിലുണ്ടായിട്ടുള്ള അനിശ്ചിതത്വം സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്ക് നിക്ഷേപകരെ തിരിയാന്‍ പ്രേരിപ്പിക്കുന്നതായാണ് വിലയിരുത്തല്‍.
ഫെബ്രുവരിയില്‍ 2640 രൂപയും മാര്‍ച്ചില്‍ 1560 രൂപയും പവന് കുറഞ്ഞിരുന്നു. എന്നാൽ ഏപ്രിലില്‍ 1720 രൂപ കൂടി. ഏപ്രിലിൽ സ്വർണത്തിന് രേഖപ്പെടുത്തിയ ഏറ്റവും ഉയർന്ന നിരക്ക് 36,080 രൂപയും (ഏപ്രില്‍ 22) ഏറ്റവും കുറഞ്ഞ നിരക്ക് 33,320 രൂപയുമായിരുന്നു (ഏപ്രില്‍ ഒന്നാം തീയതി). മെയ് മാസത്തിലും സ്വർണവിലയിൽ വർധനവുണ്ടായി. എന്നാൽ ജൂണില്‍ സ്വർണവില ചാഞ്ചാട്ടത്തിൽ തുടരുകയാണ്.
advertisement
രാജ്യത്തെ പ്രധാന നഗരങ്ങളിലെ ഇന്നത്തെ സ്വർണവില (22 കാരറ്റ് സ്വർണം, 10 ഗ്രാം)
ചെന്നൈ ₹ 46,300
മുംബൈ ₹ 47,680
ന്യൂഡൽഹി ₹ 48,040
കൊൽക്കത്ത ₹ 48,220
ബാംഗ്ലൂർ ₹ 45,900
ഹൈദരാബാദ് ₹ 45,900
പൂനെ ₹ 47,680
ബറോഡ ₹ 48,400
അഹമ്മദാബാദ് ₹ 48,400
ജയ്പുര്‍ ₹ 48,040
ലഖ്‌നൗ ₹ 48,040
കോയമ്പത്തൂര്‍ ₹ 46,300
മധുര ₹ 46,300
വിജയവാഡ ₹ 45,900
advertisement
പാട്‌ന ₹ 47,680
നാഗ്പൂര്‍ ₹ 47,680
ചണ്ഡിഗഡ് ₹ 48,040
സൂറത്ത് ₹ 48,400
ഭുവനേശ്വര്‍ ₹ 45,900
മാംഗ്ലൂര്‍ ₹ 45,900
വിശാഖപട്ടണം ₹ 45,900
നാസിക് ₹ 47,680
മൈസൂര്‍ ₹ 45,900
കോവിഡ് വ്യാപനം തുടരുന്ന സാഹചര്യത്തിൽ സ്വര്‍ണ വില ഉയരുമെന്ന് തന്നെയാണ് വിപണിയിലെ വിദഗ്ധർ വിലയിരുത്തുന്നത്. പത്ത് ഗ്രാം 24 കാരറ്റ് സ്വർണത്തിന് എം‌സി‌എക്സിൽ കഴിഞ്ഞവർഷം ആഗസ്റ്റിൽ 56,200 രൂപയായിരുന്നു.
Key Words: gold price kerala, gold price today, Gold prices, gold price, gold price on June 10, gold price in kerala, gold rates in kerala, 1 pavan gold rate, 1 pavan gold rate today, know todays gold price
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
June 10, 2021 10:40 AM IST
