ലോണെടുക്കാൻ പ്ലാനുണ്ടോ? വായ്പകളെ സിബിൽ സ്കോർ ബാധിക്കുന്നതെങ്ങനെ?

നിങ്ങളുടെ ക്രെഡിറ്റ് ഹിസ്റ്ററിയ്ക്ക് ലഭിക്കുന്ന സ്കോറാണ് സിബിൽ സ്കോർ. സാധാരണയായി 300 നും 900 നും ഇടയിലുള്ള മൂന്നക്ക സംഖ്യയായിരിക്കും ഇത്. 750-ന് മുകളിലുള്ള സ്കോർ മികച്ചതായി കണക്കാക്കപ്പെടുന്നു. ഈ സ്കോർ ഉള്ള ഒരാൾക്ക് വായ്പ ലഭിക്കാനുള്ള സാധ്യത കൂടുതലാണ്. ഒരാളുടെ മുൻകാല സാമ്പത്തിക ബാധ്യതകളും തിരിച്ചടവുകളും പരിശോധിച്ചായിരിക്കും സിബിൽ സ്കോർ നിർണയിക്കപ്പെടുക. ഒരു വ്യക്തി തന്റെ തിരിച്ചടവിൽ എപ്പോഴെങ്കിലും വീഴ്ച വരുത്തിയിട്ടുണ്ടോ എന്നും സിബിൽ സ്കോർ പരിശോധിക്കുന്നതിലൂടെ തിരിച്ചറിയാൻ സാധിക്കും. സിബിൽ സ്‌കോർ അടങ്ങിയ റിപ്പോർട്ടിനെ സിബിൽ റിപ്പോർട്ട് എന്നാണ് വിളിക്കുന്നത്.

ഒരാൾ ലോൺ എടുക്കുമ്പോഴോ ക്രെഡിറ്റ് കാർഡിനായി അപേക്ഷിക്കുമ്പോഴോ എല്ലാ ധനകാര്യ സ്ഥാപനങ്ങളും ആദ്യം അപേക്ഷകന്റെ സിബിൽ സ്കോർ പരിശോധിക്കും. ക്രെഡിറ്റ് യോഗ്യതയും റിസ്ക് പ്രൊഫൈലും അവർ ഉറപ്പാക്കും. അതിനു ശേഷം മാത്രമാകും അപേക്ഷകന് വായ്പ നൽകണോ എന്ന കാര്യം തീരുമാനിക്കുക. അപേക്ഷകൻ മുൻപ് കടം തിരിച്ചടയ്ക്കുന്നതിൽ കൃത്യനിഷ്ഠ പാലിച്ചിട്ടുണ്ടോ എന്നത് ഉൾപ്പെടെയുള്ള വിവരങ്ങൾ സിബിൽ റിപ്പോർട്ടിൽ ഉണ്ടാകും. സിബിൽ സ്കോർ മികച്ചതാണെങ്കിൽ മാത്രമേ ധനകാര്യ സ്ഥാപനങ്ങൾ വായ്പ അനുവദിക്കൂ. അതിനാൽ നല്ല സിബിൽ സ്കോർ നിലനിർത്തേണ്ടത് വളരെ പ്രധാനപ്പെട്ട കാര്യമാണ്.

1. വേ​ഗത്തിലുള്ള അപ്രൂവൽ (Speedy Approval)

നിങ്ങളുടെ ക്രെഡിറ്റ് സ്കോർ നിങ്ങൾ ആഗ്രഹിക്കുന്ന പോലെ ഉയരുന്നില്ലെങ്കിൽ അതിൽ, വിഷമിക്കേണ്ട. ഇത് മെച്ചപ്പെടുത്താൻ സ്വയം ശ്രമിക്കാം. അതിനായി കൃത്യമായ ഒരു പ്ലാനും കുറച്ച് ക്ഷമയും ആവശ്യമാണ്. ആരോഗ്യകരമായ ക്രെഡിറ്റ് ശീലങ്ങളും ഉയർന്ന ക്രെഡിറ്റ് സ്കോറും കൈവരിക്കുന്നതിന് നിങ്ങളെ സഹായിക്കുന്ന ചില കാര്യങ്ങളാണ് താഴെ പറയുന്നത്.

സൗജന്യമായി സിബിൽ സ്കോർ പരിശോധന നടത്താവുന്ന നിരവധി പ്ലാറ്റ്‌ഫോമുകൾ ഉണ്ട്. ഇവയുപയോഗിച്ച് മിനിറ്റുകൾക്കുള്ളിൽ ഓൺലൈനായി സിബിൽ സ്കോർ പരിശോധിക്കാവുന്നതാണ്. നിങ്ങൾക്ക് സിബിൽ വെബ്‌സൈറ്റിൽ നേരിട്ട് ലോഗിൻ ചെയ്‌തും ക്രെഡിറ്റ് സ്‌കോർ പരിശോധിക്കാം.