Petrol Diesel Price | തുടർച്ചയായ പതിനൊന്നാം ദിവസവും മാറ്റമില്ലാതെ പെട്രോൾ, ഡീസൽ വില

പതിനൊന്നു ദിവസത്തിനു മുമ്പ് ഇന്ധനവില കുറഞ്ഞ ദിവസത്തിന് മുമ്പുള്ള നാലു ദിവസവും പെട്രോൾ, ഡീസൽ വില മാറ്റമില്ലാതെ തുടരുകയായിരുന്നു.

ഡൽഹിയിൽ പെട്രോളിന് 90.56 രൂപയാണ്. ഡീസലിന് 80.87 രൂപയും. മുംബൈയിൽ ഒരു ലിറ്റർ പെട്രോളിന് 96.98 രൂപയും ഡീസലിന് 87.96 രൂപയുമാണ്. ഇന്ത്യൻ ഓയിൽ കോർപറഷൻ വെബ്സൈറ്റിലെ കണക്ക് പ്രകാരമാണ് ഇത്.

ഇന്ധനവിലയിൽ ചെറിയ മാറ്റങ്ങൾ സംസ്ഥാനങ്ങൾ മാറുന്നതിന് അനുസരിച്ച് ഉണ്ടാകും. കേന്ദ്ര സംസ്ഥാന സർക്കാരുകൾ ചുമത്തുന്ന നികുതികളും ചരക്ക് കൂലിയും അനുസരിച്ചാണ് ഈ മാറ്റം. പെട്രോളിന്റെ ചില്ലറ വിൽപന വിലയിൽ 60 ശതമാനവും ഡീസലിന്റെ വിലയിൽ 54 ശതമാനവും കേന്ദ്ര സംസ്ഥാന നികുതികളാണ്. കേന്ദ്ര നികുതിയായി പെട്രോളിന് 32.90 രൂപയും ഡീസലിന് 31.80 രൂപയുമാണ് ഈടാക്കുന്നത്. രാജ്യാന്തര വിപണിയിലെ വിലയും വിദേശ വിനിമയ നിരക്കും കണക്കിലെടുത്ത് ഓരോ ദിവസവും ചില്ലറ വിൽപന വില പുതുക്കി നിശ്ചയിക്കുകയാണ് ചെയ്യുക.

മുംബൈ- 96.98/ 87.96

കൊൽക്കത്ത- 90.77/ 83.75

ചെന്നൈ- 92.58/ 85.88

ബെംഗളൂരു- 93.59/ 85.75

ഹൈദരാബാദ്- 94.16/ 88.20

ഭോപ്പാൽ- 98.58/ 89.13

പട്ന- 92.89/ 86.12

ലഖ്നൗ- 88.85/ 81.27

നോയിഡ- 88.91/ 81.33

എറണാകുളം- 90.81/ 85.37

ഇടുക്കി- 91.93/ 86.38

കണ്ണൂർ- 90.99/ 86.10

കാസർകോട്-91.56/ 86.10

കൊല്ലം-92.11/ 86.59

കോട്ടയം-91.04/ 85.58

കോഴിക്കോട്- 91.09 /85.66

മലപ്പുറം- 91.23 / 85.79

പാലക്കാട്- 91.76/ 86.27

പത്തനംതിട്ട- 91.69/ 86.20

തൃശൂർ- 91.33/ 85.86

തിരുവനന്തപുരം- 92.19/ 86.67

വയനാട്- 92.09/ 86.53

വെള്ളിയാഴ്ചത്തെ വ്യാപാരത്തിൽ അന്താരാഷ്ട്ര വിപണികളിൽ എണ്ണവില നേരിയ തോതിൽ ഉയർന്നിരുന്നു. ഡോളറിന്റെ മൂല്യം കുറഞ്ഞതിന് പിന്നാലെ ആയിരുന്നു ഇത്. കൊറോണ വൈറസ് ബാധക്ക് ശേഷം വർധിച്ചുവരുന്ന ഇന്ധന ആവശ്യവുമാണ് വില ഉയരാൻ കാരണം. ബ്രെൻറ് ക്രൂഡ് ഫ്യൂച്ചർ ബാരലിന് 7 സെന്റ്, അഥവാ 0.1 ശതമാനം ഉയർന്ന് ബാരലിന് 63.27 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ബാരലിന് 17 സെന്റ് അഥവാ 0.3 ശതമാനം ഉയർന്ന് ബാരലിന് 59.77 ഡോളറായി.

English Summary: fuel prices across the country unchanged for last eleven consecutive days. The fuel prices were last lowered on March 30 following a reduction in the international crude prices. Before March 30, the fuel prices were not changed for four consecutive days.