• HOME
  • »
  • NEWS
  • »
  • money
  • »
  • FM's Day 3 Package| ക്ഷീര വികസനത്തിന് 15,000 കോടി; മത്സ്യ മേഖലയ്ക്ക് 20,000 കോടി; മൂന്നാം ദിന പാക്കേജിലെ പ്രധാന പ്രഖ്യാപനങ്ങൾ

FM's Day 3 Package| ക്ഷീര വികസനത്തിന് 15,000 കോടി; മത്സ്യ മേഖലയ്ക്ക് 20,000 കോടി; മൂന്നാം ദിന പാക്കേജിലെ പ്രധാന പ്രഖ്യാപനങ്ങൾ

ഇന്ന് പ്രഖ്യാപിച്ച പാക്കേജുകൾ കാർഷിക അനുബന്ധ മേഖലകളുടെ ഉത്തേജനം ലക്ഷ്യമിട്ടുള്ളതാണെന്ന് നിർമ്മല സിതാരമാൻ വ്യക്തമാക്കി.

ധനമന്ത്രി നിർമ്മല സിതാരാമൻ

ധനമന്ത്രി നിർമ്മല സിതാരാമൻ

  • Last Updated :
  • Share this:
    കൊറോണ വൈറസ് ബാധയെ തുടർന്ന് തകർന്നടിഞ്ഞ സമ്പദ്‌വ്യവസ്ഥയ്ക്ക് ഉത്തേജനം നൽകുന്ന പദ്ധതികളുടെ രൂപരേഖയാണ് ധനമന്ത്രി നിർമ്മല സീതാരാമൻ ഇന്ന് പ്രഖ്യാപിച്ച മൂന്നാം ഘട്ട സാമ്പത്തിക പാക്കേജിലുള്ളത്. ഇന്ന് പ്രഖ്യാപിച്ച പാക്കേജുകൾ കാർഷിക  അനുബന്ധ മേഖലകളുടെ  ഉത്തേജനം ലക്ഷ്യമിട്ടുള്ളതാണെന്ന് കേന്ദ്ര സഹമന്ത്രി അനുരാഗ് താക്കൂറിനൊപ്പം നടത്തിയ വാർത്താ സമ്മേളനത്തിൽ നിർമ്മല സിതാരാമൻ പറഞ്ഞു.
    TRENDING:കോവിഡ് സാമ്പത്തിക പാക്കേജ്; കാർഷിക മേഖലയ്ക്ക് ഒരു ലക്ഷം കോടി രൂപയുടെ പദ്ധതി പ്രഖ്യാപിച്ച് നിര്‍മല സീതാരാമന്‍ [NEWS]ശൈലജ ടീച്ചറിനേക്കുറിച്ചുള്ള ലേഖനം പങ്കുവെച്ച് ശശി തരൂർ; നടപടി മാതൃകാപരമെന്ന് സോഷ്യൽമീഡിയ [NEWS]'പ്രചരിച്ചത് വ്യാജ സ്ക്രീൻ ഷോട്ട്'; റൂറൽ എസ്.പിക്ക് പരാതി നൽകി വി.ഡി സതീശൻ എം.എൽ.എ [NEWS]'വൺ നാഷണൽ വൺ റേഷൻ കാർഡ്' പദ്ധതി ആരംഭിക്കുമെന്ന് വ്യാഴാഴ്ച ധനമന്ത്രി വ്യക്തമാക്കിയിരുന്നു. രണ്ട് മാസത്തേക്ക് റേഷൻ കാർഡുകളില്ലാത്ത കുടിയേറ്റ തൊഴിലാളികൾക്ക് സൗജന്യമായി ഭക്ഷ്യധാന്യങ്ങൾ നൽകുമെന്നും അറിയിച്ചിരുന്നു. .ധനമന്ത്രിയുടെ പ്രധാന പ്രഖ്യാപനങ്ങൾ



      • ഇന്ന് 11 പാക്കേജുകളാണ് പ്രഖ്യാപിച്ചത്.  അതിൽ എട്ടെണ്ണം കാർഷിക മേഖലയിലെ അടിസ്ഥാന സൗകര്യങ്ങളും സംഭരണവും ശക്തിപ്പെടുത്തുന്നതുമായി ബന്ധപ്പെട്ടതാണ്. മൂന്നെണ്ണം ഭരണ നിർവഹണവുമായി ബന്ധപ്പെട്ടതാണ്.

      • താങ്ങു വിലയുടെ അട‌ിസ്ഥാനത്തിൽ ലോക്ക് ഡൗൺകാലത്ത് 74,300 കോടി കാർഷിക ഉൽപന്നങ്ങളാണ് കേന്ദ്ര സർക്കാർ വാങ്ങിയത്.

      • പി.എം. കിസാന്‍ ഫണ്ടിലൂടെ 18,700 കോടി രൂപയും പി.എം. ഫസല്‍ ബീമാ യോജന പ്രകാരം 64,000 കോടി രൂപയുമാണ് കൈമാറിയത്.

      • കാർഷിക മേഖലയിലെ അടിസ്ഥാന സൗകര്യ വികസനത്തിനായി  ഒരു ലക്ഷം കോടി രൂപ പ്രഖ്യാപിച്ചു.

      • ലോക്ക്ഡൗണ്‍ കാലയളവില്‍ പാലിന്റെ ആവശ്യകതയില്‍ 20-25 ശതമാനം കുറവുണ്ടായി.  ക്ഷീര സഹകരണങ്ങള്‍ക്ക് രണ്ടുശതമാനം വാര്‍ഷിക പലിശയില്‍ വായ്പ ലഭ്യമാക്കും. ഇതിലൂടെ അയ്യായിരം കോടിയുടെ അധിക പണലഭ്യത മേഖലയിലുണ്ടാകും.

      • മൈക്രോ ഫുഡ് എന്റര്‍പ്രെസസ(എം.എഫ്.ഇ.)നു വേണ്ടി 10,000 കോടിയുടെ പദ്ധതി നടപ്പാക്കും. എഫ്.എസ്.എസ്.എ.ഐ.യുടെ അംഗീകാരം ലഭിക്കുന്നതിനും ബ്രാന്‍ഡിങ്ങിനും വില്‍പനയ്ക്കും എം.എഫ്.ഇ.കള്‍ക്ക് സാങ്കേതിക നിലവാരം ഉയര്‍ത്തേണ്ടതുണ്ട്. രണ്ടുലക്ഷം മൈക്രോ ഫുഡ് എന്റര്‍പ്രൈസസിന് ഗുണം ചെയ്യും.

      • മൃഗസംരക്ഷണ മേഖലയിലെ അടിസ്ഥാന സൗകര്യ വികസനത്തിന് 15,000 കോടിയുടെ ഫണ്ട് വകയിരുത്തി.

      • മൃഗങ്ങളിലെ കുളമ്പുരോഗം(ഫൂട്ട് ആന്‍ഡ് മൗത്ത് ഡിസീസ്), ബാക്ടീരിയ ജന്യയോഗം(ബ്രൂസെല്ലോസിസ്) എന്നിവ നിര്‍മാര്‍ജനം ചെയ്യുന്നതിന് 1,343 കോടിയുടെ നാഷണല്‍ അനിമല്‍ ഡിസീസ് കണ്‍ട്രോള്‍ പദ്ധതി പ്രഖ്യാപിച്ചു.

      • മത്സ്യബന്ധന വികസനത്തിന് 20,000 കോടിയുടെ പ്രധാനമന്ത്രി മത്സ്യ സമ്പാദന്‍ യോജന നടപ്പാക്കും. ഇതില്‍ 11,000 കോടി സമുദ്ര-ഉള്‍നാടന്‍ മത്സ്യബന്ധന മേഖലയ്ക്കും അക്വാ കള്‍ച്ചറിനും വകയിരുത്തിയിട്ടുണ്ട്.

      • 9000 കോടി രൂപ ഹാര്‍ബറുകളുടെയും ശീതകരണ ശൃഖംലയുടെയും മാര്‍ക്കറ്റുകളുടെയും അടിസ്ഥാന സൗകര്യവികസനത്തിന് കൈമാറും. 55 ലക്ഷം പേര്‍ക്ക് ഇതിലൂടെ തൊഴില്‍ ലഭിക്കുമെന്നാണ് പ്രതീക്ഷയെന്നും മന്ത്രി പറഞ്ഞു




    Published by:Aneesh Anirudhan
    First published: