സെൻസെക്സും നിഫ്റ്റിയും റെക്കോഡ് ഉയരത്തിൽ; നിക്ഷേപകർക്ക് നാല് ലക്ഷം കോടിയുടെ നേട്ടം

ബിഎസ്ഇ സെന്‍സെക്‌സ് 902 (1.64%) പോയന്റ് ഉയര്‍ന്ന് 68,587.82ലും നിഫ്റ്റി 286 പോയന്റ് (1.41%) ഉയർന്ന് 20,602.50ലുമാണ് 10 മണിയോടെ വ്യാപാരം നടന്നത്. ഓഹരികള്‍ കുതിച്ചതോടെ നിക്ഷേപകരുടെ ആസ്തിയില്‍ നിമിഷനേരംകൊണ്ട് നാല് ലക്ഷം കോടി രൂപയുടെ വര്‍ധനവാണുണ്ടായത്.

അദാനി ഓഹരികള്‍ കുതിപ്പിന്റെ പതയിലാണ്. സെന്‍സെക്‌സ് ഓഹരികളില്‍, എസ്ബിഐ, ഐസിഐസിഐ ബാങ്ക്, എല്‍ആന്‍ഡ്ടി, എന്‍ടിപിസി, എയര്‍ടെല്‍ എന്നിവ രണ്ട് ശതമാനം ഉയര്‍ന്നു. മഹീന്ദ്ര ആന്‍ഡ് മഹീന്ദ്ര, എച്ച്ഡിഎഫ്‌സി ബാങ്ക്, ബജാജ് ഫിനാന്‍സ്, ആക്‌സിസ് ബാങ്ക് തുടങ്ങിയ ഓഹരികളും നേട്ടത്തിലാണ്. നെസ്‌ലെ മാത്രമാണ് നഷ്ടത്തില്‍.

അദാനി എനര്‍ജി സൊലൂഷന്‍സ് 14 ശതമാനവും അദാനിന്‍ ഗ്രീന്‍ എനര്‍ജി 12 ശതമാനവും ഉയര്‍ന്നു. അദാനി എന്റര്‍പ്രൈസസ്, ടോട്ടല്‍ ഗ്യാസ്, അദാനി വില്‍മര്‍ എന്നിവയിലെ മുന്നേറ്റം 6-8 ശതമാനമാണ്.

Summary: Sensex and Nifty opened at fresh all-time highs on Monday, aided by strong domestic macroeconomic data and elevated bets of a US rate cut in March, while analysts saw momentum picking up in the ongoing rally after the BJP victory in key state elections.