പോസിറ്റീവ് പേ സിസ്റ്റം, യുപിഐ, ഫാസ് ടാഗ്... രാജ്യത്ത് ജനുവരി മുതലുണ്ടാകുന്ന 6 പ്രധാന മാറ്റങ്ങൾ
- Published by:Aneesh Anirudhan
- news18-malayalam
Last Updated:
2021 ജനുവരി ഒന്നു മുതൽ സാമ്പത്തിക ഇടപാടുകളുമായി ബന്ധപ്പെട്ട ആറ് സുപ്രധാന മാറ്റങ്ങളാണ് രാജ്യത്ത് നിലവിൽ വരുന്നത്. ആ മാറ്റങ്ങൾ ഏതൊക്കെയാണെന്നും അവ നിങ്ങളെയും നിങ്ങളുടെ വ്യക്തിഗത പണമിടപാടുകളെയും എങ്ങനെ ബാധിക്കുമെന്നുമാണ് ഇവിടെ വിവരിക്കുന്നത്.
2021 ജനുവരി ഒന്നു മുതൽ സാമ്പത്തിക ഇടപാടുകളുമായി ബന്ധപ്പെട്ട ആറ് സുപ്രധാന മാറ്റങ്ങളാണ് രാജ്യത്ത് നിലവിൽ വരുന്നത്. ആ മാറ്റങ്ങൾ ഏതൊക്കെയാണെന്നും അവ നിങ്ങളെയും നിങ്ങളുടെ വ്യക്തിഗത പണമിടപാടുകളെയും എങ്ങനെ ബാധിക്കുമെന്നുമാണ് ഇവിടെ വിവരിക്കുന്നത്.
1, പോസിറ്റീവ് പേ സിസ്റ്റം
ചെക്കുകൾ ഉപയോഗിച്ചുള്ല സാമ്പത്തിക തട്ടിപ്പുകൾ തടയാനും ചെക്കുകളുടെ സുരക്ഷിതത്വം ഉറപ്പാക്കാനും ആര്‍.ബി.ഐ ആണ് പോസിറ്റീവ് പേ സിസ്റ്റം ആവിഷ്കകരിച്ചത്. ഇതനുസരിച്ച് 50,000 രൂപയ്ക്ക് മുകളിലുള്ള ചെക്കുകളിൽ ചെക്ക് നൽകുന്നയാളുടെ വിശദാംശങ്ങളും നൽകണം. എങ്കിൽ മാത്രമെ ഈ ചെക്കുകൾ ബാങ്ക് സ്വീകരിക്കൂ. ഇതനുസരിച്ച് ജനുവരി ഒന്നു മുതൽ ചെക്ക് നല്‍കുന്ന വ്യക്തി ചെക്ക് നമ്പര്‍, ചെക്ക് ഡേറ്റ്, ചെക്ക് ഉടമയുടെ പേര്, അക്കൗണ്ട് വിവരങ്ങൾ, ചെക്കിന്റെ ഫ്രണ്ട്, റിവേഴ്സ് ചിത്രങ്ങൾ എന്നിവ ബാങ്കിൽ സമർപ്പിക്കണം.
advertisement
2. യു.പി.ഐ പേയ്മെന്റ്
ആമസോൺ പേ, ഗൂഗിൾ പേ, ഫോൺ‌പേ തുടങ്ങിയ ആപ്പുകൽ വഴിയുള്ള യു.പി.ഐ ഇടപാടുകൾക്ക് 2021 ജനുവരി 1 മുതൽ ഉപയോക്താക്കളിൽനിന്ന് അധിക നിരക്ക് ഈടാക്കാൻ റീട്ടെയിൽ പേയ്മെന്റ് പ്ലാറ്റ്‌ഫോമായ എൻ.പി.സി.ഐ തീരുമാനിച്ചിട്ടുണ്ട്. യുപിഐ അധിഷ്ഠിത ഇടപാടുകൾ പ്രതിമാസം 2 ബില്യൺ എത്തിയോടെയാണ് പുതിയ നീക്കം. യുപിഐ വഴിയുള്ള അപകടസാധ്യതകൾ പരിഹരിക്കുന്നതിനും യുപിഐ ഇടപാടുകൾ വിപുലമാക്കുന്നതിനും ഇത് സഹായിക്കും. യുപിഐ പേയ്‌മെന്റിന്റെ ഭാവി വളർച്ചയ്ക്കും ഇടപാടുകളിലെ അപകടസാധ്യതയെക്കുറിച്ച് പരിശോധിക്കുന്നതിനും എൻ‌പി‌സി‌ഐ മൂന്നാം കക്ഷി ആപ്ലിക്കേഷനുകളിൽ യുപിഐ വഴിയുള്ള ഇടപാടിന്റെ അളവ് 30 ശതമാനമായി ഉയർത്തി.
advertisement
3. ആവർത്തിച്ചുള്ള ഇടപാടുകളിൽ ഇ-മാൻഡേറ്റിൽ ഇളവ്
ക്രെഡിറ്റ്, ഡെബിറ്റ് കാർഡുകളിൽ നിന്നുള്ള ആവർത്തിച്ചുള്ള ഇടപടുകളിൽ 2000 രൂപ വരെ ഇ-മാൻഡേറ്റുകൾ വേണ്ടെന്ന് റിസർവ് ബാങ്ക് 2020 ഓഗസ്റ്റിൽ വ്യക്തമാക്കിയിരുന്നു. 2020 ജനുവരി 1 മുതൽ ഈ പരിധി 5000 രൂപയായി ഉയർത്തുമെന്ന് റിസർവ് ബാങ്ക് പ്രഖ്യാപിച്ചിട്ടുണ്ട്. ഇതിലൂടെ ക്രെഡിറ്റ്, ഡെബിറ്റ് കാർഡുകൾക്ക് ഒരു ഇ-മാൻഡേറ്റിലൂടെ 5,000 രൂപ വരെ പേയ്മെന്റ് നടത്താം. ഉപയോക്താക്കൾക്ക് ചെറിയ മൂല്യമുള്ള പേയ്‌മെന്റുകൾ ഡിജിറ്റലായി നടത്തുന്നതും ഇതിലൂടെ എളുപ്പമാകും.
advertisement
4. കോൺടാക്റ്റ്ലെസ് ഇടപാടുകളുടെ പരിധി ഉയർത്തും
2021 മുതൽ കോൺടാക്റ്റ്ലെസ് കാർഡ് ഇടപാടുകളുടെ പരിധി ഉയർത്തും. ഇതനുസരിച്ച് വൈഫൈ സംവിധാനമുള്ള കോണ്‍ടാക്ട്‍ലെസ് പേയ്മെന്റ് കാര്‍ഡുകള്‍ ഉപയോഗിച്ച് ഇനി ഒറ്റ തവണ 5,000 വരെയുള്ള ഇടപാടുകൾ നടത്താം. ഇടപാടുകൾക്ക് പിൻ നൽ‌കേണ്ടതില്ല. നേരത്തെ പിൻ ആവശ്യമില്ലാത്ത കോൺടാക്റ്റ്ലെസ് ഇടപാടുകളുടെ പരിധി 2,000 രൂപയായിരുന്നു. യുപിഐ പേയ്‌മെന്റിനും ഇത് ബാധകമാണ്. ഡിജിറ്റൽ പേയ്മെന്റ് ഇടപാട് സുരക്ഷിതവുമായ രീതിയിൽ വിപുലീകരിക്കാനാണ് ഈ നീക്കം.
advertisement
Also Read ഫാസ്‌ടാഗ് ഇല്ലെങ്കിൽ ജനുവരി ഒന്നുമുതൽ ടോളായി ഇരട്ടി തുക നൽകണം; അവിടെ വച്ചുതന്നെ ഫാസ്ടാഗും എടുക്കണം
5. ഫാസ് ടാഗ് നിർബന്ധമാക്കും
2021 ജനുവരി 1 മുതൽ എല്ലാ നാല് ചക്ര വാഹനങ്ങൾക്കും ഫാസ് ടാഗ് നിർബന്ധമാണ്. കേന്ദ്ര മോട്ടോർ വാഹന ഭേദഗതി നിയമ പ്രകാരമാണ് ഫോർ വീലറുകൾക്കും ഫാസ് ടാഗ് നിർബന്ധമാക്കിയത്. 2020 നവംബർ 6 നാണ് ഗതാഗത മന്ത്രാലയം ഇതുസംബന്ധിച്ച വിജ്ഞാപനം പുറത്തിറക്കിയത്. 2017 ഡിസംബർ ഒന്നിന് മുമ്പ് വിറ്റുപോയ നാല് ചക്ര വാഹനങ്ങൾക്കും എംആന്റ്എൻ കാറ്റഗറി വാഹനങ്ങൾക്കുമാണ് ഫാസ് ടാഗ് നിർബന്ധമാക്കുക.2021 ഏപ്രിൽ മുതൽ പ്രാബല്യത്തിൽ വരുന്ന പുതിയ മൂന്നാം കക്ഷി ഇൻഷുറൻസിനായി സാധുവായ ഫാസ് ടാഗും സർക്കാർ നിർബന്ധമാക്കിയിട്ടുണ്ട് ഫാസ് ടാഗ് ഉണ്ടെങ്കിൽ മാത്രമേ ഫിറ്റ്നസ് സർട്ടിഫിക്കറ്റും ലഭിക്കൂ.
advertisement
6. സ്റ്റാൻഡേർഡ് ടേം ലൈഫ് ഇൻഷുറൻസ് പോളിസി
ഇൻഷുറൻസ് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി ഓഫ് ഇന്ത്യ (ഐ‌ആർ‌ഡി‌ഐ‌ഐ) 2021 ജനുവരി 1 മുതൽ ഒരു ലൈഫ് ഇൻഷുറൻസ് കമ്പനികളോട് ഒരു സ്റ്റാൻഡേർഡ് ലൈഫ് ടേം ഇൻഷുറൻസ് പോളിസി നൽകണമെന്ന് നിർ‌ദ്ദേശിച്ചിട്ടുണ്ട്. സരൾ ജീവൻ ബിമ എന്ന പുതിയ പ്ലാനിലൂടെ അഞ്ച് ലക്ഷം രൂപ 25 ലക്ഷം രൂപ വരെ ഇൻഷുറൻസ് ലഭിക്കും. സാധാരണക്കാർക്കും ഇൻഷുറൻസ് ലഭ്യമാക്കുകയെന്ന ലക്ഷ്യമാണ് ഇതിന് പിന്നിൽ.
advertisement
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
December 26, 2020 4:16 PM IST
മലയാളം വാർത്തകൾ/ വാർത്ത/Money/
പോസിറ്റീവ് പേ സിസ്റ്റം, യുപിഐ, ഫാസ് ടാഗ്... രാജ്യത്ത് ജനുവരി മുതലുണ്ടാകുന്ന 6 പ്രധാന മാറ്റങ്ങൾ
