Chatgpt ചാറ്റ് ജിപിടി നിങ്ങളുടെ ജോലി കളയുമോ? 20 ജോലികൾ ഇതാ

മെഷീൻ ലേണിംഗ് എഞ്ചിനീയറായ റോവൻ ച്യൂങ് ആണ് ഇക്കാര്യം ട്വീറ്റ് ചെയ്തിരിക്കുന്നത്. വേ​ഗതയും കൃത്യതയും വേണ്ട പല ജോലികളും ചാറ്റ് ജിപിടിക്ക് ചെയ്യാനാകുമെന്നും റോവൻ പറയുന്നു. ട്വീറ്റിന് സമ്മിശ്ര പ്രതികരണങ്ങളാണ് ലഭിക്കുന്നത്. ”ഇതിൽ ചില ജോലികൾ ചാറ്റ് ജിപിടിക്ക് ചെയ്യാനാകുമെന്ന് തീർച്ചയായും സമ്മതിക്കാം. എന്നാൽ ഒരു ന്യൂസ് റിപ്പോർട്ടറുടെ ജോലി ചാറ്റ് ജിപിടിയ്ക്ക് ചെയ്യാനാകുമോ” എന്നാണ് ഒരാളുടെ ചോദ്യം. മാധ്യമപ്രവർത്തകനായ മാത്യു അജിയൂസ് എന്നയാൾ ഇതിന് ഉത്തരവും നൽകിയിട്ടുണ്ട്. ”ചാറ്റ് ജിപിടിയുടെ വരവ് മാധ്യമപ്രവർത്തകരെ ബാധിക്കില്ല എന്നൊന്നും ഞാൻ പറയുന്നില്ല. പക്ഷേ ഫാക്ട് ചെക്കിങ്ങും എഴുത്തും പോലെയല്ല ഒരു റിപ്പോർട്ടറുടെ ജോലി”, എന്ന് അദ്ദേഹം കുറിച്ചു.