സൈബർ തട്ടിപ്പ്: വ്യാജ ഇമെയിലുകൾ തിരിച്ചറിയാൻ അഞ്ച് വഴികൾ

ഗവൺമെന്റ് സ്ഥാപനങ്ങളുടെ ലോഗോ ഉൾപ്പെടെ കൂട്ടിച്ചേർത്ത ഇമെയിലുകൾ ഉപയോഗിച്ചുള്ള തട്ടിപ്പ് വ്യാപകമാകുന്നു. ഇന്റലിജൻസ് ബ്യൂറോ, നാഷണൽ ക്രൈം റെക്കോർഡ്സ് ബ്യൂറോ തുടങ്ങി മധ്യപ്രദേശിലെ ലോക്കൽ പോലീസിന്റേത് ഉൾപ്പെടെയുള്ള ഗവണ്മെന്റ് സ്ഥാപനങ്ങളുടെ പേരും ലോഗോയും വിവരങ്ങളും അടങ്ങുന്ന ഇത്തരം ഇമെയിൽ സന്ദേശങ്ങളിൽ ചൈൽഡ് പോണോഗ്രാഫി ഉൾപ്പെടെയുള്ള കുറ്റം സ്വീകർത്താവിൽ ആരോപിക്കുന്നു. ഇമെയിലുകൾ ലഭിച്ച ആളുകൾ പലർക്കും ഭയവും, സംശയവും ആണ് ആദ്യം ഉണ്ടായത്. ആളുകളെ പരിഭ്രാന്തരാക്കാൻ ഇങ്ങനെ ഉള്ള ചെറിയ ഒരു ആരോപണം തന്നെ ധാരാളമാകുന്ന അവസരത്തിലാണ് ഗവണ്മെന്റ് വിവരങ്ങൾ ഉൾപ്പെടുത്തി ഇമെയിൽ സന്ദേശങ്ങൾ ലഭിക്കുന്നത്.