സോഷ്യൽ മീഡിയാ ഗ്രൂപ്പുകളേ, നിങ്ങൾ കേരള പൊലീസ് നിരീക്ഷണത്തിലാണ്

സമൂഹമാധ്യമങ്ങൾ വഴിയുള്ള കുറ്റകൃത്യങ്ങൾ ഏറിവരുന്ന സാഹചര്യത്തിൽ മുന്നറിയിപ്പുമായി കേരള പൊലീസ്. ചൈൽഡ് പോണോഗ്രാഫി പോലുള്ള ഗൗരവമേറിയ കുറ്റകൃത്യങ്ങൾ വാട്ട്സാപ്പ്, ടെലിഗ്രാം തുടങ്ങിയ സമൂഹമാധ്യമങ്ങൾ വഴി കൂടിവരുന്നതായാണ് കേരള പൊലീസ് പറയുന്നത്. ഇത്തരം കാര്യങ്ങൾ പ്രചരിപ്പിക്കുന്നതിനായി തുടങ്ങിയിട്ടുള്ള ഗ്രൂപ്പുകൾ പൊലീസ് നിരീക്ഷണത്തിലാണെന്നും അവയുടെ അഡ്മിൻമാരും അംഗങ്ങളും നിയമനടപടി നേരിടേണ്ടിവരുമെന്നും ഫേസ്ബുക്കിലെ മുന്നറിയിപ്പ് സന്ദേശത്തിൽ പറയുന്നു. അതേസമയം ഇക്കാര്യം ചൂണ്ടിക്കാണിച്ച് ഇട്ട ഫേസ്ബുക്ക് പോസ്റ്റിൽ കേരള പൊലീസ് ഉപയോഗിച്ചിരിക്കുന്നത് കോപ്പിറൈറ്റുള്ള ചിത്രമാണ്. ഇത് കോപ്പിറൈറ്റ് ആക്ടിന്‍റെ ലംഘനമാണ്.