മരുന്ന് കഴിക്കാന്‍ മറന്നോ ? ഇനി ഫോൺ ഓർമിപ്പിക്കും; പുതിയ ഫീച്ചറുമായി സാംസങ്

Published by:Arun krishna
news18-malayalam

Last Updated:Dec 22, 2023 5:22 PM IST

മരുന്ന് കഴിക്കേണ്ട സമയങ്ങളിൽ ആപ്പിൽ നിന്നും കൃത്യമായി നിർദ്ദേശം ലഭിക്കും

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

മരുന്ന് കഴിച്ചോ, കഴിക്കാൻ മറന്നോ എന്നാല്‍ ഇനി ആശങ്ക വേണ്ട. ഉപഭോക്താക്കളെ മരുന്ന് കഴിക്കാൻ ഓർമിപ്പിക്കുന്ന പുതിയ ഫീച്ചർ അവതരിപ്പിക്കാൻ ഒരുങ്ങുകയാണ് സാംസങ്. സാംസങിന്റെ ഹെൽത്ത് ആപ്പ് (Health App) വഴിയാണ് ഈ ഫീച്ചർ അവതരിപ്പിച്ചിരിക്കുന്നത്. ഇതുവഴി നിങ്ങൾ ഉപയോഗിക്കുന്ന മരുന്നിനെക്കുറിച്ചുള്ള എല്ലാ വിവരങ്ങളും അതിൽ രേഖപ്പെടുത്താൻ കഴിയും. മരുന്ന് എത്ര നേരം കഴിക്കണം, മരുന്നിന്റെ അളവ്, അതിന്റെ രൂപവും നിറവും വരെ ഈ ആപ്പിൽ വിവരങ്ങളായി സൂക്ഷിക്കാൻ കഴിയും. മരുന്ന് കഴിക്കേണ്ട സമയങ്ങളിൽ ആപ്പിൽ നിന്നും കൃത്യമായി നിർദ്ദേശം ലഭിക്കും.

തിരഞ്ഞെടുത്ത രാജ്യങ്ങളിൽ മാത്രമാണ് സാംസങ് ഇപ്പോൾ ഈ ഫീച്ചർ അവതരിക്കുന്നത്. ഈ മാസം അവസാനത്തെ അപ്‌ഡേറ്റിലൂടെ അമേരിക്കയിൽ ഈ ഫീച്ചർ ലഭ്യമാകും എന്നാണ് വിവരം. കൂടാതെ ആവശ്യമെങ്കിൽ ഡോക്ടർമാരുമായി നേരിട്ട് ബന്ധപ്പെടാനുള്ള അവസരവും ഈ ഫീച്ചർ ഒരുക്കുന്നുണ്ട്.

Also Read - നിങ്ങളുടെ പാസ് വേഡ് ഇതാണോ? ഈ വർഷം ഇന്ത്യയിൽ ഏറ്റവും കൂടുതൽ പേ‍‍ർ ഉപയോഗിച്ച സുരക്ഷിതമല്ലാത്ത പാസ് വേഡുകൾ

കൂടാതെ നിങ്ങൾ കഴിക്കുന്ന മരുന്നിലെ ഘടകങ്ങളെ തിരിച്ചറിയാനും അപകടകരമായ എന്തെങ്കിലും മരുന്നുകളിൽ ഉണ്ടെങ്കിൽ അതിനെക്കുറിച്ചുള്ള വിവരവും ഈ ആപ്പ് വഴി ഉപഭോക്താക്കൾക്ക് അറിയാൻ കഴിയും. മെഡിക്കൽ രംഗവുമായി ബന്ധമുള്ള എൽസേവ്യർ (Elsevier)എന്ന കമ്പനിയിലെ വിദഗ്ദ്ധരുടെ സഹായത്തോടെയാണ് സാംസങ് ഈ ആപ്പ് ഡെവലപ്പ് ചെയ്തത്.

സാംസങ് ഫോണുകളിൽ ആൻഡ്രോയ്ഡ് വേർഷൻ 8 ന് മുകളിൽ ഉള്ളവർക്കാണ് ഈ ഫീച്ചർ ലഭ്യമാവുക. അല്ലെങ്കിൽ സാംസങ് ഹെൽത്ത് ആപ്പ് വേർഷൻ 6.26 ലേക്ക് അപ്ഡേറ്റ് ചെയ്യണം. ഉപയോഗിക്കുന്ന മൊബൈലുകളുടെ മോഡൽ അനുസരിച്ച് ആപ്പിന്റെ ഫീച്ചറുകളിലും വ്യത്യാസം വന്നേക്കാമെന്ന് കമ്പനി പറയുന്നു.