Union Budget 2021 | ബജറ്റിന് മുന്നോടിയായി സംസ്ഥാന ധനമന്ത്രിമാരുമായി കേന്ദ്ര ധനമന്ത്രി നിർമല സീതാരാമൻ കൂടിക്കാഴ്ച നടത്തി
- Published by:Anuraj GR
- news18-malayalam
Last Updated:
കോവിഡ് -19 പ്രതിസന്ധിയുടെ പശ്ചാത്തലത്തിൽ വളർച്ച പുനരുജ്ജീവിപ്പിക്കാനും വരുമാന ശേഖരണം വർദ്ധിപ്പിക്കാനും നടപടികൾ നിർദ്ദേശിച്ചു.
കേന്ദ്ര ബജറ്റിന് മുന്നോടിയായുള്ള ചർച്ചകളുടെ ഭാഗമായി ധനമന്ത്രി നിർമ്മല സീതാരാമൻ സംസ്ഥാന ധനമന്ത്രിമാരുമായി തിങ്കളാഴ്ച കൂടിക്കാഴ്ച നടത്തി. കോവിഡ് -19 പ്രതിസന്ധിയുടെ പശ്ചാത്തലത്തിൽ വളർച്ച പുനരുജ്ജീവിപ്പിക്കാനും വരുമാന ശേഖരണം വർദ്ധിപ്പിക്കാനും നടപടികൾ നിർദ്ദേശിച്ചു. വീഡിയോ കോൺഫറൻസിലൂടെ ചേർന്ന യോഗത്തിൽ മുഖ്യമന്ത്രിമാർ, ഉപമുഖ്യമന്ത്രിമാർ, ധനമന്ത്രിമാർ, മന്ത്രിമാർ, കേന്ദ്രസംസ്ഥാന, കേന്ദ്രഭരണ സർക്കാരുകളിൽ നിന്നും മുതിർന്ന ഉദ്യോഗസ്ഥർ എന്നിവർ പങ്കെടുത്തതായി ധനമന്ത്രാലയം പ്രസ്താവനയിൽ പറഞ്ഞു.
ഫെഡറൽ സംവിധാനത്തിന്റെ പ്രാധാന്യം വിളിച്ചോതുന്ന നിലയിൽ ഈ യോഗത്തിന്റെ പ്രാധാന്യം ധനമന്ത്രി എടുത്തുപറയുകയും പകർച്ചവ്യാധിക്കെതിരായ പോരാട്ടങ്ങൾക്ക് കേന്ദ്രസർക്കാർ സംസ്ഥാന / കേന്ദ്രഭരണ പ്രദേശങ്ങളെശക്തമായി പിന്തുണയ്ക്കുന്ന രീതി സൂചിപ്പിക്കുകയും ചെയ്തു. പകർച്ചവ്യാധി മൂലം കടന്നുപോയ ഏറ്റവും മോശമായ മാസങ്ങളിൽ വായ്പയെടുക്കൽ പരിധി വർദ്ധിപ്പിച്ച് സംസ്ഥാനങ്ങൾക്ക് വായ്പകൾ തിരികെ നൽകിയതിലൂടെ തങ്ങളുടെ സംസ്ഥാനങ്ങളെയും കേന്ദ്രഭരണ പ്രദേശങ്ങളെയും സാമ്പത്തികമായി പിന്തുണച്ചതിന് പങ്കെടുത്തവരിൽ ഭൂരിഭാഗവും കേന്ദ്ര ധനമന്ത്രിയോട് നന്ദി പറഞ്ഞു. അവർ ബജറ്റ് പ്രസംഗത്തിൽ ഉൾപ്പെടുത്തുന്നതിന് കേന്ദ്ര ധനമന്ത്രിക്ക് നിരവധി നിർദ്ദേശങ്ങൾ നൽകി.
advertisement
വളർച്ച, നിക്ഷേപം, വിഭവ ആവശ്യകത, ധനനയം എന്നിവ സംബന്ധിച്ച് സംസ്ഥാന മന്ത്രിമാർ നിർദ്ദേശങ്ങൾ അറിയിച്ചതായി ഔദ്യോഗിക വൃത്തങ്ങൾ അറിയിച്ചു. “കേന്ദ്ര ധനമന്ത്രി സീതാരാമൻ 2021-22 ബജറ്റിനായി പ്രീ-ബജറ്റ് യോഗം എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ധനമന്ത്രിമാരുമായി (നിയമസഭയുമായി) ഇന്ന് ന്യൂഡൽഹിയിൽ വീഡിയോ കോൺഫറൻസിംഗിലൂടെ നടത്തുന്നു,” ധനമന്ത്രാലയം ട്വീറ്റിൽ പറഞ്ഞു.
advertisement
ധനമന്ത്രിയോടൊപ്പം ധനകാര്യ സെക്രട്ടറി എ ബി പാണ്ഡെ, ചെലവ് സെക്രട്ടറി ടി വി സോമനാഥൻ, സാമ്പത്തിക കാര്യ സെക്രട്ടറി തരുൺ ബജാജ്, മുഖ്യ സാമ്പത്തിക ഉപദേഷ്ടാവ് കെ വി സുബ്രഹ്മണ്യൻ, മുതിർന്ന ഉദ്യോഗസ്ഥർ എന്നിവരും പങ്കെടുത്തു. ധനമന്ത്രി ഡിസംബർ 14 മുതൽ 23 വരെ 2021-22 ബജറ്റിനായുള്ള ബജറ്റ് പ്രീ മീറ്റിംഗുകളുടെ അധ്യക്ഷത വഹിച്ചു. വീഡിയോ കോൺഫറൻസിംഗിലൂടെ ധനമന്ത്രാലയം വിളിച്ചുകൂട്ടുന്ന പതിവ് ബജറ്റ് പ്രീ മീറ്റിംഗുകളിൽ ധനനയം, നികുതി, ഹരിത വളർച്ച എന്നിവ സംബന്ധിച്ച നിരവധി നിർദ്ദേശങ്ങൾ വിവിധ പങ്കാളികളിൽ നിന്ന് ലഭിച്ചു.
advertisement
ധനമന്ത്രിയുടെ അധ്യക്ഷതയിൽ നടന്ന 15 വെർച്വൽ മീറ്റിംഗുകളിൽ ബന്ധപ്പെട്ട ഒമ്പതു കക്ഷികളുടെ ഗ്രൂപ്പുകളെ പ്രതിനിധീകരിച്ച് 170 ൽ അധികം ക്ഷണിതാക്കൾ പങ്കെടുത്തു. സംസ്ഥാന ധനമന്ത്രിമാരുമായുള്ള പതിനാറാമത് കൂടിക്കാഴ്ചയാണിത്. COVID-19 പ്രതിസന്ധി കാരണം ബജറ്റ് നിർമ്മാണ പ്രക്രിയയയുടെ ചരിത്രത്തിൽ ആദ്യമായാണ് ഇത്തരം കൂടിയാലോചനകൾ മീറ്റിംഗുകൾ വെർച്വൽ മോഡിൽ നടന്നത്.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
January 20, 2021 8:50 PM IST
മലയാളം വാർത്തകൾ/ വാർത്ത/Money/
Union Budget 2021 | ബജറ്റിന് മുന്നോടിയായി സംസ്ഥാന ധനമന്ത്രിമാരുമായി കേന്ദ്ര ധനമന്ത്രി നിർമല സീതാരാമൻ കൂടിക്കാഴ്ച നടത്തി