ഇനി മൂക്ക് പൊത്താതെ മീൻ വാങ്ങാം; തിരുവനന്തപുരം പാങ്ങോട് ഫിഷ് മാർക്കറ്റിന് പുതിയ മുഖം

മൂന്ന് കോടി 25 ലക്ഷം രൂപ ചെലവഴിച്ചാണ് മാർക്കറ്റ് നവീകരണം പൂർത്തീകരിച്ചത്. ഇതിൽ 1 കോടി 85 ലക്ഷം രൂപ ഫിഷറീസ് വകുപ്പും 1 കോടി 40 ലക്ഷം രൂപ നഗരസഭയുമാണ് വഹിച്ചത്. 15000 ചതുരശ്ര അടി വിസ്തീർണ്ണമുള്ള മാർക്കറ്റിൽ 46 കടമുറികളുണ്ട്.

പാങ്ങോട് ആധുനിക ഫിഷ് മാർക്കറ്റ് തിരുവനന്തപുരം മേയർ കെ ശ്രീകുമാർ നാടിന് സമർപ്പിച്ചു. ഡെപ്യൂട്ടി മേയർ അഡ്വ.രാഖി രവികുമാർ , സ്ഥിരം സമിതി അധ്യക്ഷരായ പാളയം രാജൻ , എസ്.പുഷ്പലത , വഞ്ചിയൂർ പി.ബാബു , വാർഡ് കൗൺസിലർ ബിന്ദു ശ്രീകുമാർ , സെക്രട്ടറി എൽ.എസ്.ദീപ , സി.ഇ.ഡി എക്സിക്യൂട്ടീവ് ഡയറക്ടർ ഡോ.ബാബു അമ്പാട്ട് , സൂപ്രണ്ടിങ് എഞ്ചിനീയർ എ.മുഹമ്മദ് അഷറഫ് എന്നിവർ ചടങ്ങിൽ പങ്കെടുത്തു.