അയോധ്യ ശ്രീരാമക്ഷേത്ര പ്രാണപ്രതിഷ്ഠ: ശൃംഗേരി ശാരദാ പീഠത്തിലെ ശങ്കരാചാര്യന്മാർ പങ്കെടുക്കും

അയോധ്യയിലെ ശ്രീരാമക്ഷേത്ര പ്രാണപ്രതിഷ്ഠാ ചടങ്ങിൽ പങ്കെടുക്കുമെന്ന് ശൃംഗേരി ശാരദാ പീഠത്തിലെ ശങ്കരാചാര്യർ സ്ഥിരീകരിച്ചു. ജനുവരി 22ന് നടക്കുന്ന ചടങ്ങിൽ ശങ്കരാചാര്യന്മാർ പങ്കെടുക്കില്ലെന്നുള്ള വാർത്തകൾ മുൻപ് പുറത്ത് വന്നിരുന്നു. പവിത്രവും അപൂർവ്വവുമായ ഈ പ്രാണപ്രതിഷ്ഠാ ചടങ്ങിൽ പങ്കെടുക്കുന്നതിലൂടെ എല്ലാ വിശ്വാസികളെയും ശ്രീരാമൻ അനുഗ്രഹിക്കുമെന്ന് ശൃംഗേരി ശാരദാ പീഠം പുറത്തിറക്കിയ പത്രക്കുറിപ്പിൽ പറയുന്നു. ഈ പ്രസ്താവന പിന്നീട് വിശ്വ ഹിന്ദു പരിഷത്ത് അവരുടെ ഔദ്യോഗിക അക്കൗണ്ടുകൾ വഴി പങ്കുവച്ചു.