ഏഷ്യൻ ഗെയിംസിൽ മികച്ച തുടക്കം കുറിച്ച് ഇന്ത്യ; പുരുഷൻമാരുടെ തുഴച്ചിൽ ടീം ഫൈനലിൽ

ചൈനയിൽ നടക്കുന്ന ഏഷ്യൻ ഗെയിംസിൽ മികച്ച തുടക്കം കുറിച്ച് ഇന്ത്യൻ തുഴച്ചിൽ ടീം. ലൈറ്റ്‌വെയ്റ്റ് മെൻസ് ഡബിൾ സ്കൾസിൽ (Lightweight Men’s Double Sculls) മത്സരിച്ച ഇന്ത്യയുടെ അർജുൻ ലാൽ ജാട്ടും അരവിന്ദ് സിങ്ങും രണ്ടാമത് ഫിനീഷ് ചെയ്ത് ഫൈനലിലേക്ക് യോഗ്യത നേടി. മൽസരത്തിൽ 6:27.45 സെക്കൻഡിലാണ് ഇവർ രണ്ടാം സ്ഥാനത്തെത്തിയത്. ഇന്ത്യൻ ടീമിലെ തന്നെ, സത്‌നം സിങ്ങും പർമീന്ദർ സിംഗും മറ്റൊരു മൽസരത്തിൽ രണ്ടാമത് ഫിനിഷ് ചെയ്തു. ഇരു ടീമുകളും ഫൈനൽ എ മൽസരങ്ങളിലേക്ക് യോ​ഗ്യത നേടി. നാളെയാണ് ഇരു ടീമുകളുടെയും അടുത്ത മൽസരങ്ങൾ.