അവർ രണ്ടുപേരും കയറുന്ന ബസിൽ ഭാര്യയ്ക്കും മകൾക്കുമൊപ്പം കയറില്ലെന്ന് ഹർഭജൻ

മുംബൈ: ടി.വി പരിപാടിയിൽ സ്ത്രീകളെ അപമാനിച്ച് സംസാരിച്ച ഇന്ത്യൻ ക്രിക്കറ്റ് താരങ്ങളായ ഹർദ്ദിക് പാണ്ഡ്യയ്ക്കും കെ.എൽ രാഹുലിനുമെതിരെ രൂക്ഷ വിമർശനവുമായി ഹർഭജൻ സിങ്. ക്രിക്കറ്റ് ലോകത്തിനാകെ നാണക്കേടുണ്ടാക്കുന്നതാണ് ഇരുവരുടെയും നടപടിയെന്ന് ഹർഭജൻ പറഞ്ഞു. രാഹുലും ഹർദ്ദിക് പാണ്ഡ്യയും കയറുന്ന ബസിൽ എങ്ങനെ ഭാര്യയ്ക്കും മകൾക്കുമൊപ്പം യാത്ര ചെയ്യുമെന്ന് ഹർഭജൻ ചോദിക്കുന്നു. തനിക്ക് അങ്ങനെ ചെയ്യാനാകില്ല. അവർ ഉള്ള ബസിൽ കയറിയാൽ ഭാര്യയും മകളും ഇതേക്കുറിച്ച് എന്തുകരുതുമെന്നും ഹർഭജൻ ചോദിക്കുന്നു.