ടി20 ലോകകപ്പിലെ കോടിക്കിലുക്കം; കിരീടം നേടിയ ഇന്ത്യക്ക് ലഭിക്കുന്ന സമ്മാനത്തുക

ഇന്ത്യയും ശ്രീലങ്കയും സംയുക്തമായി ആതിഥേയത്വം വഹിച്ച ഐസിസി ടി20 ലോകകപ്പിൽ പങ്കെടുത്ത ടീമുകൾക്ക് വലിയൊരു തുകയാണ് സമ്മാനമായി നൽകാൻ അന്താരാഷ്ട്ര ക്രിക്കറ്റ് കൗൺസിൽ (ഐസിസി) തീരുമാനിച്ചിരിക്കുന്നത്. കിരീടം ലക്ഷ്യമിട്ട് 20 ടീമുകളാണ് ടൂർണമെന്റിൽ മാറ്റുരച്ചത്. എന്നാൽ തുടർച്ചയായ രണ്ടാം തവണയും വിജയികളായി തങ്ങളുടെ ആധിപത്യം ഉറപ്പിച്ച ഇന്ത്യ, ചരിത്രത്തിലാദ്യമായി മൂന്ന് ടി20 ലോകകപ്പ് കിരീടങ്ങൾ നേടുന്ന ടീമായി മാറി. ഈ ചരിത്ര വിജയത്തിന് പിന്നാലെ സൂര്യകുമാർ യാദവ് നയിക്കുന്ന ഇന്ത്യൻ ടീമിന് വലിയൊരു തുക സമ്മാനമായി ലഭിക്കും.