ICC World Cup 2019: ഇന്ത്യയും ഓസീസും ഫൈനലിൽ ഏറ്റുമുട്ടും; പ്രവചനവുമായി 'പറക്കും ഫീൽഡർ'

ഇത്തവണ ലോകകപ്പ് ഫൈനലിൽ ഏറ്റുമുട്ടുന്നത് ഓസീസും ഇന്ത്യയും തമ്മിലായിരിക്കുമെന്ന് പ്രവചനം. 2003ന് ശേഷം വീണ്ടുമൊരു ഓസീസ്-ഇന്ത്യ ഫൈനലിന് ലോർഡ്സ് സാക്ഷ്യം വഹിക്കുമെന്ന് പ്രവചിക്കുന്നത് മറ്റാരുമല്ല, ദക്ഷിണാഫ്രിക്കൻ മുൻതാരവും പറക്കും ഫീൽഡർ എന്ന് അറിയപ്പെട്ടിരുന്ന ജോണ്ടി റോഡ്സ്. ഒരു ദിനപത്രത്തിന് നൽകിയ അഭിമുഖത്തിലാണ് ഓസീസ്-ഇന്ത്യ ഫൈനൽ പ്രവചനം അദ്ദേഹം നടത്തിയത്. 2003ൽ റോഡ്സിന്‍റെ നാട്ടിൽ നടന്ന ലോകകപ്പിൽ ഇന്ത്യയും ഓസീസും തമ്മിലായിരുന്നു കലാശപ്പോര്. അന്ന് 125 റൺസിനാണ് ഗാംഗുലി നയിച്ച ഇന്ത്യയെ പോണ്ടിംഗിന്‍റെ ഓസീസ് തോൽപ്പിച്ചത്.