IND vs NZ | മുംബൈ ടെസ്റ്റിൽ കൂറ്റൻ ജയം; വമ്പൻ റെക്കോർഡ് പോക്കറ്റിലാക്കി ടീം ഇന്ത്യ

ഇന്ത്യ മുന്നോട്ടുവെച്ച 540 റണ്‍സ് വിജയലക്ഷ്യത്തിലേക്ക് രണ്ടാം ഇന്നിംഗ്‌സില്‍ ബാറ്റ് വീശിയ ന്യൂസിലന്‍ഡ് 167 റൺസ് എടുക്കുമ്പോഴേക്കും എല്ലാവരും പുറത്താവുകയായിരുന്നു. നാല് വിക്കറ്റ് വീതം നേടിയ ജയന്ത് യാദവും രവിചന്ദ്ര അശ്വിനുമാണ് ന്യൂസിലന്‍ഡിനെ കറക്കി വീഴ്ത്തുകയായിരുന്നു.

സ്‌കോര്‍: ഇന്ത്യ 325, ഏഴിന് 276 ഡിക്ലയേര്‍ഡ് ന്യൂസീലന്‍ഡ് 62, 167

ഇന്ത്യ ഉയർത്തിയ 540 റൺസ് വിജയലക്ഷ്യത്തിലേക്ക് അഞ്ച് വിക്കറ്റ് നഷ്ടത്തിൽ 140 റൺസ് എന്ന നിലയിൽ നാലാം ദിനം ആരംഭിച്ച ന്യൂസിലൻഡിന് 27 റൺസ് എടുക്കുമ്പോഴേക്കും ശേഷിച്ച വിക്കറ്റുകൾ എല്ലാം തന്നെ നഷ്ടമാവുകയായിരുന്നു. മൂന്നാം ദിനത്തിൽ അശ്വിന്റെ പന്തുകൾക്ക് മുന്നിൽ വട്ടം തിരിഞ്ഞ ന്യൂസിലൻഡിനെ ഇന്ന് വശം കെടുത്തിയത് ജയന്ത് യാദവിന്റെ പന്തുകളായിരുന്നു. ഇന്ന് വീണ അഞ്ച് വിക്കറ്റുകളിൽ നാലെണ്ണവും വീഴ്ത്തിയ താരമാണ് ഇന്ത്യൻ ജയം അനായാസമാക്കിയത്. ഇന്ത്യക്ക് വേണ്ടി രണ്ടാം ഇന്നിങ്സിൽ ജയന്ത് യാദവും അശ്വിനും നാല് വിക്കറ്റ് വീതം വീഴ്ത്തി. 44 റൺസെടുത്ത ഹെൻറി നിക്കോൾസ് ആണ് കിവീസ് നിരയിലെ ടോപ് സ്‌കോറർ.

69 പന്തുകള്‍ മാത്രമാണ് നാലാം ദിനം കിവീസ് ബാറ്റ്‌സ്മാന്‍മാര്‍ക്ക് പ്രതിരോധിക്കാനായത്. നാലാം ദിനത്തിൽ ഇന്ത്യയെ പ്രതിരോധിച്ച് നിന്ന രചിൻ രവീന്ദ്രയെ ജയന്ത് മടക്കിയതോടെ അവരുടെ പോരാട്ടം അവസാനിക്കുന്ന കാഴ്ചയാണ് കണ്ടത്. കൈൽ ജെയ്മിസൺ (0), ടിം സൗത്തി(0), വില്യം സോമര്‍വില്‍(1) എന്നിവർ ജയന്തിന്റെ പന്തുകൾക്ക് മുന്നിൽ ഉത്തരമില്ലാതെ വിക്കറ്റ് നൽകി മടങ്ങുകയായിരുന്നു. പിന്നാലെ 111 പന്തില്‍ 44 റണ്‍സുമായി പൊരുതിയ ഹെൻറി നിക്കോള്‍സിനെ അശ്വിന്‍റെ പന്തില്‍ സാഹ സ്റ്റമ്പ് ചെയ്തതോടെ കിവീസിന്റെ പോരാട്ടം അവസാനിപ്പിച്ച് ഇന്ത്യ കൂറ്റൻ ജയം നേടുകയായിരുന്നു.

Also read- IND vs NZ | കറക്കി വീഴ്ത്തി ജയന്തും അശ്വിനും; കിവീസിനെ 372 റൺസിന് കീഴടക്കി പരമ്പര സ്വന്തമാക്കി ഇന്ത്യ

Also read- IND vs NZ |മത്സരത്തിനിടെ തടസ്സം സൃഷ്ടിച്ച് സ്പൈഡര്‍ ക്യാം; പിന്നാലെ കുസൃതിയുമായി ഇന്ത്യന്‍ താരങ്ങള്‍, വീഡിയോ