Virat Kohli | ഏകദിന പരമ്പരയിൽ കളിക്കും; ക്യാപ്റ്റനല്ലെന്നറിഞ്ഞത് അവസാന നിമിഷം; ചർച്ച നടത്തിയില്ലെന്ന് കോഹ്ലി

"ടെസ്റ്റ് ടീമിനെ തിരഞ്ഞെടുക്കുന്നതിന് ഒന്നര മണിക്കൂർ മുമ്പ് മാത്രമാണ് ചീഫ് സെലക്ടർ എന്നെ വിളിച്ചത്. ടെസ്റ്റ് ടീമുമായി ബന്ധപ്പെട്ട കാര്യമാണ് ഞങ്ങൾ സംസാരിച്ചത്. പരമ്പരയ്ക്കുള്ള ടീമിന്റെ കാര്യത്തിൽ പരസ്പരധാരണ വരുത്തി. പിന്നീട് ഫോൺ സംഭാഷണ൦ അവസാനിക്കുന്നതിന് തൊട്ടു മുൻപ് മാത്രമാണ് അഞ്ച് സെലക്ടർമാരും ഇനിയങ്ങോട്ട് ഞാൻ ആയിരിക്കില്ല ഏകദിന ക്യാപ്റ്റൻ എന്ന് പറഞ്ഞു. പിന്നീട് സെലക്ഷൻ നടത്തുന്നതിനിടെയാണ് ഇക്കാര്യത്തെ കുറിച്ച് സംസാരിച്ചത്. അതിന് മുൻപ് ഇക്കാര്യത്തെ കുറിച്ച് യാതൊരു വാർത്താവിനിമയവും നടന്നിട്ടില്ല." കോഹ്ലി വ്യക്തമാക്കി.

രോഹിത് ശർമ മികച്ച ക്യാപ്റ്റൻ ആണെന്നും ഐപിഎല്ലിലും ഇന്ത്യയെ നയിച്ച ചില മത്സരങ്ങളിലും നാമത് കണ്ടതാണെന്നും ക്യാപ്റ്റൻ എന്ന നിലയിൽ രോഹിത്തിനും പരിശീലകൻ രാഹുൽ ദ്രാവിഡിനും തന്റെ എല്ലാവിധ പിന്തുണയും ടീമിനെ മുന്നോട്ട് നയിക്കാൻ താൻ എല്ലാവിധ സംഭാവനകൾ നൽകുമെന്നും കോഹ്ലി കൂട്ടിച്ചേർത്തു.